اسلام آباد (ویب ڈیسک) مغربی کنارے میں یہودی آبادکاروں نے نہ صرف امریکی خاتون صحافی بلکہ دورے پر آئے یورپی سفارت کاروں کو بھی تشدد کا نشانہ بنایا، ان گاڑیوں پر پتھرا کیا اور کھڑکی بھی توڑ دی۔اسرائیلی آرمی ریڈیو کی رپورٹ کے مطابق زیتون کی فصل کی کٹائی کے موقع پر دورے کے لیے آنے والے فرانس، بیلجیئم اور پولینڈ یورپی سفارت کاروں کی گاڑیوں کو نشانہ بنایا گیا، پتھرا کیا گیا اور بیلجیئم کے قونصل خانے کی ایک گاڑی کی کھڑکی توڑ دی گئی۔تقریبا سات نقاب پوش آبادکار اے ٹی وی گاڑیوں پر سوار ہو کر موقع پر پہنچے۔ سفارتی گاڑی کو گھیرے میں لیا اور اس میں سوار افراد سے شناختی دستاویزات طلب کیں۔ایک سفارتی گاڑی پر پتھرا کیا گیا، جس سے اس کی کھڑکی ٹوٹ گئی۔اسرائیلی آرمی ریڈیو کی جانب سے نشر کی گئی ویڈیو میں ایک سفارت کار کو زمین پر لیٹے ہوئے بھی دیکھا جا سکتا ہے۔مغربی کنارے کے مختلف علاقوں میں زیتون کی فصل کی کٹائی فلسطینی کسانوں کے لیے نہایت اہم معاشی اور سماجی سرگرمی ہے تاہم فصل کی کٹائی کے موسم میں فلسطینی کسانوں اور اسرائیلی آبادکاروں کے درمیان کشیدگی اور مبینہ حملوں کے واقعات بھی سامنے آتے رہے ہیں۔
