لاہور (سپورٹس ڈیسک)تین ملکی ون ڈے سیریز کے پہلے میچ میں پاکستان نے سری لنکا کو 37 رنز سے شکست دے دی۔ قومی ٹیم نے سری لنکا کو جیت کیلیے 306 رنز کا ہدف دیا جس کے جواب میں مہمان ٹیم 268 رنز بنا کر آل آٹ ہوگئی۔ راولپنڈی کے پنڈی کرکٹ اسٹیڈیم میں کھیلے گئے سیریز کے پہلے ون ڈے میں سری لنکا نے ٹاس جیت کر پاکستان کو پہلے بیٹنگ کی دعوت دی۔ پاکستان اننگز کی شروعات ہوئی تو اوپنر فخر زمان اور صائم ایوب ٹیم کو اچھا آغاز فراہم نہ کرسکے اور دونوں اوپنرز جلد ہی آٹ ہو کر واپس پویلین لوٹ گئے۔پاکستان کی پہلی وکٹ 23 اور دوسری وکٹ 32 رنز پر گری، صائم ایوب 7 اور فخر زمان 16 رنز بنا کر آٹ ہوئے۔بعدازاں بابر اعظم اور سعد بیگ نے پارٹنرشپ قائم کی اور ٹیم کا اسکور 106 تک پہنچایا جہاں بابر 45 رنز بنا کر آٹ ہوگئے۔ پاکستان کی چوتھی وکٹ 118 رنز پر گرگئی۔ اس مرتبہ سعد بیگ 39 رنز بنا کر آٹ ہوئے۔پانچویں وکٹ پر سلمان علی آغا اور حسن نواز نے 97 رنز کی پارٹنرشپ بنائی اور 215 کے مجموعے پر حسن نواز 37 رنز بنا کر آٹ ہوگئے۔ چھٹی وکٹ پر سلمان کا ساتھ عرفات منہاس دینے آئے، انہوں نے 18 رنز کی اننگز کھیلی تاہم سلمان کے ساتھ 64 رنز کی پارٹنرشپ کے شراکت دار رہے۔اس دوران مڈل آرڈر میں سلمان علی آغا نے شاندار بیٹنگ کا مظاہرہ کرتے ہوئے اپنے کیریئر کی چوتھی سنچری بنائی۔ تاہم پہلے عرفات منہاس 279 اور پھر سلمان علی آغا 291 کے مجموعے پر آٹ ہوئے تو قومی بیٹرز اسکور میں زیادہ اضافہ نہ کرسکے اور پوری ٹیم 305 رنز پر آل آٹ ہوگئی۔ اختتامی لمحات میں شاہین آفریدی نے 13 اور فہیم اشرف نے 6 رنز بنائے جبکہ نسیم شاہ اور حارث رف بغیر کوئی رن بنائے پویلین لوٹے۔ سری لنکا کی جانب سے ایشان ملنگا نے 4 وکٹیں لیں، اسیتھا فرنینڈو نے 3 اور دلشان مدھوشنکا نے 2 کھلاڑیوں کو آٹ کیا۔ ہدف کے تعاقب میں سری لنکن ٹیم نے محتاط آغاز کیا، اوپنر اوشکا فرنینڈو 5 اور کپتان کوسال مینڈس 18 رنز بنا کر پویلین لوٹے۔ تاہم اوپنر کمنڈو مینڈس نے 44 رنز بنا کر اس جانب سے ٹیم کا اسکو بڑھانے کا سلسلہ جاری رکھا۔ تاہم 91 کے مجموعے تک سری لنکا کے 4 کھلاڑی پویلین لوٹے چکے تھے، ایسے میں پوون رتنانائیکے نے 79 اور جنیتھ لیاناگے نے 60 رنز کی اننگز کھیل کر اپنی ٹیم کے لیے جیت کی امیدیں روشن کرنے کی کوشش کیا، لیکن اپنی ٹیم کو جیت کی لکیر کے پار نہ لے جاسکے۔ اختتامی لمحات میں داسن شناکا نے 28 رنز بنائے، اور وہ بھی ٹیم کی جیت کے لیے کارآمد نہ ہوسکے اور پوری سری لنکن ٹیم 268 رنز بنا کر آل آٹ ہوگئی۔پاکستان کی جانب سے شاہین آفریدی نے 3 کھلاڑیوں کو آٹ کیا جبکہ فہیم اشرف، نسیم شاہ اور حارث رف نے دو دو وکٹیں لیں۔ٹاس کے موقع پر گفتگو کرتے ہوئے پاکستان کرکٹ ٹیم کے کپتان شاہین آفریدی نے کہا تھا کہ فریش وکٹ ہے، ہم ٹاس جیتتے تب بھی پہلے بیٹنگ ہی کرتے، 300 رنز بنانے کی کوشش کریں گے۔
