نادرا: شہریوں کے مسائل حل کرنے کیلئے کھلی کچہریوں کا شیڈول جاری

لاہور (این این آئی) نادرا کی جانب سے شہریوں کے مسائل حل کرنے کیلئے کھلی کچہریوں کا شیڈول جاری کردیا گیا۔ وزیراعظم پاکستان کی ہدایت پر نادرا حکام شہریوں کے مسائل براہِ راست سنیں گے۔ لاہور میں نادرا میگا سنٹر پیکو روڈ پر 26 اکتوبر کو کھلی کچہری لگائی جائے گئی۔ نادرا میگا سنٹر ایجرٹن روڈ پر 27 اکتوبر کو کھلی کچہری منعقد ہوگی۔ کھلی کچہریوں کا وقت صبح ساڑھے 10 سے ساڑھے 11 بجے تک مقرر کیا گیا ہے۔ نادرا ریجنل ہیڈ آفس کے تحت شہریوں کے مسائل براہِ راست سنے جائیں گے۔ شہری شناختی کارڈ، فیملی رجسٹریشن سرٹیفکیٹ و دیگر دستاویزات بارے مسائل پیش کر سکیں گے۔ کھلی کچہری میں شہریوں کی شکایات کے فوری ازالے کیلئے اقدامات کئے جائیں گے۔