جھانوی کپورنا کی مناسب تصاویر اور ویڈیو بنانے پر تنقید

لاہور(شوبزڈیسک)بالی ووڈ اداکارہ جھانوی کپور نے جم کے لباس میں نامناسب تصاویر بنانے پر پاپارازی فوٹو گرافروں کو طلب کر کے اپنے تحفظات کا اظہار کر دیا۔بھارتی میڈیا کے مطابق 29 سالہ اداکارہ نے اس معاملے پر بات کرنے کے لیے فوٹو گرافروں کے ساتھ بند کمرے میں ملاقات کی۔جھانوی کپور اس سے قبل بھی مشہور شخصیات کی اجازت کے بغیر تصاویر اور ویڈیوز بنانے پر تنقید کرتی رہی ہیں۔صحافیوں سے گفتگو کرتے ہوئے ایک پاپارازی نے بتایا ہے کہ جھانوی کپور نے ملاقات کے دوران کہا ہے کہ لوگ بھی روزانہ جم سے نکلتے ہوئے اداکاروں کی تصاویر دیکھ کر اکتا چکے ہیں، اداکاروں کا کام فلموں میں نظر آنا ہے، اس لیے میں نہیں چاہتی کہ ایسی تصاویر بار بار سوشل میڈیا پر دکھائی جائیں۔فوٹو گرافر کے مطابق جھانوی کپور نے کچھ عرصے کے لیے جم سے نکلتے وقت تصاویر لینے کا سلسلہ روکنے کی درخواست بھی کی، کیونکہ انسٹاگرام پر ان تصاویر کے نیچے نامناسب اور نازیبا تبصرے کیے جاتے ہیں۔پاپارازی فوٹو گرافر نے اداکارہ کے رویے کی تعریف کرتے ہوئے کہا ہے کہ جھانوی نے ہم سے ہمیشہ احترام سے بات کی اور ملاقات کے دوران بھی ان کا انداز خوش اخلاقی پر مبنی تھا۔جھانوی کپور کے علاوہ مرونال ٹھاکر اور سلمان خان سمیت کئی بھارتی فنکار بھی قابلِ اعتراض ویڈیوز اور نامناسب انداز میں تصاویر بنانے کے خلاف آواز اٹھا چکے ہیں۔واضح رہے کہ جھانوی کپور ہدایت کار راج مہتا کی فلم لگ جا گلے کی تیاریوں میں مصروف ہیں، جو 14 مئی 2027 کو ریلیز ہوگی ہے۔