دہلی’ ریس کورس مسجد کے بعد قدیمی مسجد کو مسمار کرنے کی تیاری

نئی دہلی(این این آئی)ہندوتوا کی پیروکار مودی حکومت نے ریس کورس مسجد کو نشانہ بنانے کے چند روز بعد دہلی ہائی کورٹ کو بتایا ہے کہ وسطی دہلی کے کرشی بھون کمپلیکس میں واقع ایک اور مسجد، قدیمی مسجد کو سینٹرل وسٹا منصوبے کے لیے ہٹانا ضروری ہے۔کشمیر میڈیا سروس کے مطابق بھارتی حکومت نے لینڈ اینڈ ڈیولپمنٹ آفس(ایل اینڈ ڈی او)کے ذریعے ہائی کورٹ میں جمع کرائی گئی رپورٹ میں کہا ہے کہ مسجد سرکاری اراضی پر واقع ہے۔ یہ زمین کامن سینٹرل سیکریٹریٹ کی عمارتوں 4اور 5کی تعمیر کے لیے درکار ہے۔ حکومت کے مطابق تعمیراتی کام مکمل کرنے کے لیے مسجد کو ہٹانا ضروری ہے۔عدالت میں اپنے جواب میں بھارتی حکومت نے کہا کہ دفتری کمپلیکس کے اندر اس عمارت کو برقرار رکھنا ناقابلِ قبول اور سرکاری املاک کے سیکولر کردار سے متصادم ہے۔