منشیات اسمگلنگ کیخلاف اے این ایف کی عدالتی محاذ پر اہم کامیابی

اسلام آباد(پ ر)منشیات اسمگلنگ کے خلاف اے این ایف کی عدالتی محاذ پر اہم کامیابی،ستمبر اور اکتوبر2026کے 2ماہ میں 105مقدمات میں 140 جرموں کو سزائیں، 3 کروڑ82 لاکھ روپے سے زائد جرمانے عائد اینٹی نارکوٹکس فورس نے منشیات کے جرائم کے خلاف ستمبر اور اکتوبر 2026 کے2ماہ کے دوران اہم قانونی کامیابیاں حاصل کی ہیں۔ انسدادِ منشیات کی خصوصی عدالتوں کے ذریعے105 مقدمات میں 140 ملزمان کو سزائیں سنائی گئیں، جبکہ مجموعی طور پر 3 کروڑ82 لاکھ روپے سے زائد کے جرمانے بھی عائد کیے گئے۔ عدالتی فیصلوں کی تفصیلات کے مطابق گزشتہ دو ماہ کے دوران 23 مجرموں کو عمر قیدو جرمانہ،38 مجرمان کو دس سال سے زائد قیدو جرمانہ،19 مجرمان کو پانچ سے نو سال جبکہ60 مجرموں کو پانچ سال سے کم مدت کی قیدو جرمانے کی سزائیں سنائی گئیں۔علاقائی سطح پر خیبرپختونخوا میں سب سے زیادہ 49 مقدمات میں 57مجرمان کو سزائیں سنائی گئیں۔پنجاب میں 39 مقدمات میں 58 مجرموں کو سزا ئیں دی گئیں۔ سندھ میں 13 مقدمات میں 20 مجرموں کو سزائیں جبکہ بلوچستان میں 4 مقدمات میں 5 مجرمان کو سزائیں دی گئیں۔ اینٹی نارکوٹکس فورس زیرو ٹالرنس پالیسی کے تحت منشیات کی اسمگلنگ اور خرید و فروخت میں ملوث عناصر کے خلاف قانونی کارروائیوں کو مزید مثر بنانے کے لیے پرعزم ہے۔ منشیات کے جرائم میں ملوث افراد کو قانون کے کٹہرے میں لانا اور مضبوط قانونی پیروی کے ذریعے انہیں قرار واقعی سزا دلوانا اے این ایف کی اہم ترجیحات میں شامل ہے۔اے این ایف عوام سے اپیل کرتی ہے کہ وہ منشیات سے پاک معاشرے کے قیام کے لیے اپنا کردار ادا کریں اور منشیات سے متعلق مشتبہ سرگرمیوں کی اطلاع متعلقہ حکام کو دیں۔ترجمان اے این ایف