مری(نمائندہ خبریں)مری بس اسٹینڈ کے قریب ایلیٹ پولیس کی گاڑی بے قابو، متعدد گاڑیوں اور دکان سے ٹکرا گئی، 5 افراد زخمی، ڈی پی او کا فوری نوٹس، انکوائری کا حکم مری بس اسٹینڈ کے قریب ایلیٹ پولیس کی گاڑی مبینہ طور پر بریک فیل ہونے کے باعث بے قابو ہو کر متعدد گاڑیوں سے ٹکرا گئی اور بعد ازاں ایک دکان سے جا ٹکرائی حادثے کے نتیجے میں پانچ افراد زخمی ہو گئے ریسکیو 1122 کی ٹیمیں اطلاع ملتے ہی موقع پر پہنچ گئیں اور زخمیوں کو ابتدائی طبی امداد فراہم کرنے کے بعد تحصیل ہیڈکوارٹر ہسپتال مری منتقل کر دیا حادثے میں ایک سوزوکی اے پی وی، ایف ایکس کار، سوزوکی بولان اور موٹر سائیکل متاثر ہوئے حادثے کے باعث علاقے میں خوف و ہراس پھیل گیا واقعے کا نوٹس لیتے ہوئے ڈی پی او مری رضا تنویر سپرا نے فوری طور پر انکوائری کا حکم دے دیا اور معاملہ ڈی ایس پی مری کو مارک کرتے ہوئے ہدایت کی کہ حادثے کی وجوہات پولیس گاڑی کی تکنیکی حالت، ڈرائیور کے کردار اور دیگر تمام متعلقہ پہلوں کا تفصیلی جائزہ لے کر جامع رپورٹ پیش کی جائے ڈی پی او مری کا کہنا ہے کہ قانون سب کے لیے برابر ہے اور واقعے کی شفاف و غیر جانبدارانہ تحقیقات یقینی بنائی جائیں گی انکوائری میں کسی قسم کی غفلت یا لاپرواہی ثابت ہونے پر ذمہ داران کے خلاف قانون اور محکمانہ قواعد کے مطابق کارروائی عمل میں لائی جائے گی زخمیوں کو بہترین طبی امداد کی فراہمی اور واقعے کی میرٹ پر تحقیقات اولین ترجیح ہیں۔
