ٹی وی پر بابری مسجد کو منہدم ہوتا دیکھ کر میں روپڑی :سونیا گاندھی

نئی دہلی(این این آئی) کانگریس کی سابق صدر سونیا گاندھی نے کہا ہے کہ 1992 میں ٹیلی ویژن پر بابری مسجد کو منہدم ہوتے ہوئے دیکھ کر وہ رو پڑی تھیں۔کشمیرمیڈیاسروس کے مطابق سونیاگاندھی نے برطانوی اخبار ‘دی گارڈین’ کوایک انٹرویو دیتے ہوئے کہا کہ جب انہوں نے ٹیلی ویژن پر بابری مسجد کے انہدام کا منظر دیکھا تو ان کی آنکھوں سے آنسو نکل آئے۔ انہیں اسی وقت احساس ہوگیا تھا کہ جس سیکولر ملک کی تعمیر کی کوشش مہاتما گاندھی، جواہر لعل نہرو اور ان کے ساتھیوں نے کی تھی، اس کے لیے انہیں ایک طویل لڑائی لڑنی ہوگی۔