راولپنڈی (خصوصی رپورٹر)جاپان انٹرنیشنل کوآپریشن ایجنسی کے ایک وفد نے کمشنر راولپنڈی ڈویژن و ڈائریکٹر جنرل راولپنڈی ڈویلپمنٹ اتھارٹی سلمان غنی سے ڈی جی آر ڈی اے آفس میں ملاقات کی، جس میں راولپنڈی میں جاری اور مجوزہ ترقیاتی منصوبوں، بالخصوص راولپنڈی رنگ روڈ منصوبے اور باہمی تعاون کے مختلف امور پر تفصیلی تبادلہ خیال کیا گیا۔ ملاقات کے دوران راولپنڈی رنگ روڈ منصوبے سمیت شہر کے دیگر اہم بنیادی ڈھانچے اور شہری ترقی کے منصوبوں پر گفتگو ہوئی۔ ان منصوبوں کا مقصد شہر میں بنیادی سہولیات کی بہتری، سڑکوں کے مربوط نظام کو فروغ دینے، ٹریفک کی روانی بہتر بنانے اور مجموعی شہری ماحول کو جدید تقاضوں سے ہم آہنگ کرنا ہے۔ کمشنر راولپنڈی سلمان غنی نے جائیکا کے وفد کو راولپنڈی میں جاری ترقیاتی منصوبوں اور مستقبل کے ترقیاتی وژن کے حوالے سے تفصیلی بریفنگ دی۔ انہوں نے کہا کہ جدید بنیادی ڈھانچے کی ترقی، بہتر سڑکوں کا نظام اور پائیدار شہری منصوبہ بندی شہر کی بڑھتی ہوئی آبادی کی ضروریات پوری کرنے اور معاشی و سماجی ترقی کے فروغ کے لیے نہایت اہم ہیں۔ ملاقات میں تکنیکی تعاون، ادارہ جاتی رابطہ کاری اور تجربات و مہارت کے تبادلے کے امکانات پر بھی تبادلہ خیال کیا گیا۔ اس موقع پر جدید منصوبہ بندی، ترقیاتی منصوبوں پر مثر عملدرآمد اور مستقبل کی شہری ضروریات کو مدنظر رکھتے ہوئے بنیادی ڈھانچے کی بہتری کی اہمیت پر زور دیا گیا۔ کمشنر راولپنڈی نے راولپنڈی کی ترقی میں جائیکا کی دلچسپی کو سراہتے ہوئے کہا کہ جدید اور پائیدار شہری ترقی کے اہداف کے حصول کے لیے بین الاقوامی تعاون اور تکنیکی معاونت اہم کردار ادا کر سکتی ہے۔ انہوں نے اس امر پر بھی زور دیا کہ مربوط کوششیں، مثر رابطہ کاری اور پیشہ ورانہ مہارت بڑے ترقیاتی منصوبوں کی بروقت اور معیاری تکمیل میں کلیدی اہمیت رکھتی ہیں۔ ملاقات کے دوران راولپنڈی کی اہم ترقیاتی ترجیحات پر خیالات کا تبادلہ کیا گیا اور مستقبل میں باہمی تعاون کے ممکنہ شعبوں کا جائزہ لیا گیا۔ اس بات پر بھی زور دیا گیا کہ بنیادی ڈھانچے کی پائیدار ترقی اور شہری سہولیات کی بہتری کے لیے متعلقہ اداروں کے درمیان مسلسل رابطہ کاری اور تعاون کو فروغ دینا ضروری ہے۔ ملاقات کے اختتام پر ترقیاتی منصوبوں پر پیش رفت اور ان کی کامیاب تکمیل کے لیے باہمی رابطوں اور تعاون کو مزید مستحکم بنانے کی اہمیت پر اتفاق کیا گیا۔ جائیکا کے وفد میں مسٹر شینوزاکی یوسوکے، چیف نمائندہ جائیکا پاکستان آفس، مسٹر ناہیرو اوجیما، نمائندہ جائیکا پاکستان آفس، اور مسٹر ابرار خان، پروگرام آفیسر شامل تھے۔ اس موقع پر ایڈیشنل ڈائریکٹر جنرل آر ڈی اے مسعود احمد بخاری سمیت دیگر افسران بھی اجلاس میں شریک تھے۔ ایڈیشنل ڈائریکٹر جنرل آر ڈی اے مسعود احمد بخاری سمیت دیگر افسران بھی موجود تھے۔
