واہ کینٹ ( نمائندہ خبریں ) سیاسی رہنماں شمالی پنجاب کے صدر ملک تیمور مسعود اور سابق امیدوار صوبائی اسمبلی سعد علی خان نے کہا ہے کہ اگر ملک میں بلدیاتی انتخابات کا انعقاد ہوا تو وہ پوری قوت کے ساتھ میدان میں اتریں گے جس کے لئے تمام یونین کونسلوں میں ابھی سے باقاعدہ تیاریاں شروع کر دی گئی ہیں انہوں نے یونین کونسل لب ٹھٹو میں چیئرمین ملک واجد اور ان کی برادری کی جانب سے دیئے گئے ایک عشائیے کی تقریب سے خطاب کرتے ہوئے کیا اس موقع پر علاقہ معززین اور شرکا کی بڑی تعداد موجود تھی تقریب سے خطاب کرتے ہوئے ملک تیمور مسعود اور سعد علی خان کا کہنا تھا کہ جس طرح انہوں نے مخالفین کو گزشتہ عام انتخابات میں شکست سے دوچار کیا تھا ان شا اللہ آئندہ بلدیاتی انتخابات میں بھی انہیں اسی طرح کی صورتحال کا سامنا کرنا پڑے گا موجودہ حکومتی صورتحال پر تنقید کرتے ہوئے مقررین نے کہا کہ موجودہ اقتدار کے دن اب تھوڑے رہ گئے ہیں اور اس طرح کے اقتدار سے اللہ تعالی ہر کسی کو محفوظ رکھے انہوں نے کارکنان پر زور دیا کہ وہ بلدیاتی معرکے کے لئے اپنی صفیں درست رکھیں اور عوامی رابطہ مہم کو تیز کریں تقریب کے اختتام پر مقررین نے شاندار عشائیے کے اہتمام پر چیئرمین ملک واجد اور ان کی برادری کا شکریہ ادا کیا
