قائم مقام گورنر سٹیٹ بینک بارے تہلکہ خیز خبر

کراچی (مانیٹرنگ ڈیسک) ڈالر نے ا±ڑان کیوں بھری؟،نجی ٹی وی نے اندرونی کہانی کا پتہ لگا لیا، قائمقام گورنر اسٹیٹ بینک کے صرف ایک پیغام نے کمال دکھایا، وزیر خزانہ اسحاق ڈار اعتماد میں نہ لینے پر خفا ہوگئے۔ ڈالر ایک دن میں 3 روپے سے زیادہ مہنگا ہوگیا،پتہ لگا،قائم مقام گورنر اسٹیٹ بینک کے صرف ایک پیغام نے مارکیٹ میں ہلچل مچادی۔ انہوں نے بینکوں کو پیغام دیا تھا کہ ڈالر کی قیمت بڑھنے کی مزاحمت نہ کی جائے جس کے بعد ڈالر مارکیٹ سے غائب ہوگیا، طلب بڑھنے سے روپے کی قدر گر گئی اور چند گھنٹے میں فی ڈالر 104.90 سے بڑھ کر 108.25 روپے تک پہنچ گیا۔ وزیر خزانہ اسحاق ڈار نے اعتماد میں نہ لینے پر قائم مقام گورنر اسٹیٹ بینک پر خفا ہوگئے، معاملے پر سخت برہمی کا اظہار کرتے ہوئے ریاض الدین کو مستقل گورنر اسٹیٹ بینک نہ بنانے کا فیصلہ کرلیا گیا، بینک آف پاکستان کے اہم عہدے کیلئے سابق سیکریٹری خزانہ طارق باجوہ کے نام پر غور کیا جارہا ہے۔ دوسری جانب ماہرین کہتے ہیں کہ بین الاقوامی معاشی ادارے مسلسل کہہ رہے تھے کہ روپے کی قدر گرائیں، ایسا کرنے سے تجارتی خسارہ صحیح ہوجائیگا، روپے کی جس طرح ناقدری ہوئی وہ مصنوعی نہیں تھا۔