احتساب عدالت میں نواز شریف کی پیشی کے دوران کیا کچھ ہوتارہا، اندرونی کہانی آگئی

اسلام آباد (مانیٹرنگ ڈیسک) شریف فیملی کے خلاف نیب ریفرنسز کی احتساب عدالت میں سماعت ہوئی۔ سابق وزیراعظم نوازشریف‘ مریم نواز اور کیپٹن (ر) صفدر بھی احتساب عدالت میں پیش ہو گئے۔ کیس کی سماعت کے دوران پرویز رشید‘ مریم اورنگزیب‘ طلال چودھری‘دانیال عزیز‘ محسن شاہ نواز رانجھا بھی احتساب عدالت پہنچ گئے۔ سابق وزیراعظم نوازشریف نے 50‘ 50لاکھ کے 2مچلکے بھی جمع کرا دیئے۔ نوازشریف نے کمرئہ عدالت میں غیررسمی گفتگو کرتے ہوئے کہا کہ دہشت گردی اور لوڈشیڈنگ ختم کرنے کی سزا دی جا رہی ہے۔ آصف زرداری کسی اور کو خوش کرنے کیلئے مجھے گالیاں دے رہے ہی۔ تمام جمہوری پارٹیوں کو ایک اصول پر اکٹھا ہونا چاہئے۔ مجھے سمجھ نہیں آتی کہ کس چیز کی پیشیاں بھگت رہے ہیں۔ ہم نے پاکستان کی معیشت کو ٹھیک کیا‘ ملک میں ریکارڈ ترقی اور ریزرو میں اضافہ ہوا۔ سٹاک ایکسچینج کبھی اتنی بلند سطح پر نہیں گئی۔ سی پیک اور کراچی میں امن لانے کی سزا دی جا رہی ہے۔نوازشریف