گلف سٹیل کی فروخت بارے تہلکہ خیز انکشافات نے شریف فیملی کیلئے مشکلات کے پہاڑ کھڑے کر دیئے

اسلام آباد (مانیٹرنگ ڈیسک) نیب کو سعودی عرب یو اے ای اور لندن سے شریف خاندان کی جائیداد کی مزید دستاویزات مل گئیں۔ تمام دستاویزات تصدیق شدہ ہیں۔ نجی ٹی وی کے مطابق نیب کو ملنے والی دستاویزات کے مطابق یو اے ای حکومت نے گلف سٹیل ملز فروخت کا دعویٰ جھوٹا قرار دے دیا۔ اور کہا کہ گلف سٹیل ملز کی فروخت کا کوئی ریکارڈ موجود نہیں یو اے ای سے خاندان کی طرف سے سرمایہ کی منتقلی کا کوئی ریکارڈ نہیں ہے۔ شریف خاندان کا دعویٰ تھا کہ گلف ملز فروخت کرکے سعودی عرب میں عزیزیہ ملزم لگائی گئی۔ سعودی عرب نے بھی شریف خاندان کی جائیداد کی تصدیق کردی اور نیب کو جواب میں کہا ہے کہ سعودی حکومت پاکستان سے مکمل تعاون کرے گی۔ سعودی عرب میں بھی سرمایہ میں منی لانڈرنگ کے ذریعے منتقل کیا گیا۔ نیب کو مریم صفدر کے بینی فیشل اونر ہونے کی تصدیق شدہ دستاویزات مل گئیں دستاویزات کے مطابق مریم صفدر ہی لندن اپارٹمنٹس کی بنیفیشل اونر ہیں ۔ یو اے ای ، سعودی عرب اور برطانیہ نے شریف خاندان کے موقف کی نفی کردی ہے۔