بیماری “ میرا پریشان ‘وجہ جان کر سب حیران

لاہور(خصوصی رپورٹ ) لاہور کی فیملی عدالت کے جج با بر ندیم نے معروف اداکارہ میرا کے تکذیب نکاح کی درخواست پر فریقین کے وکلا ءکو آ ج 8 نو مبر کو بحث کےلئے طلب کر لیا۔عتیق الرحمان نامی شخص نے اداکارہ میراکا شوہر ہونے کا دعویٰ کیا تھا، جس پر اداکارہ میرا نے فیملی عدالت میں تکذیب نکاح کی درخواست دائر کی ہے جس میں موقف اختیار کیا ہے کہ میں عتیق الرحمان نامی شخص کو جانتی نہیں ہوں، جھوٹے اور فراڈیے شخص نے شہرت کے لیے نکاح کا جھوٹا ڈرامہ رچایا ہے لہذا عدالت اسکے خلاف کارروائی کرے ۔ منگل کے روز اداکارہ میرا عدالت میں پیشی کے موقع پر پریشان نظر آئیں،پہلے کمرہ عدالت بھول گئیں پھرعدالت پہنچی تو اسی اثناءمیں عدالتی وقفے ہوا ،جس کے باعث میرا کو کمرہ عدالت کے باہر آدھا گھنٹہ انتظار کر نا پڑا،عدالت میں پیشی کے بعد میڈیا سے گفتگو کرتے ہو ئے فلمسٹار میرا نے کہا کہ محض سستی شہرت کے لیے نکاح کا ڈرامہ رچایا گیا، عدالتوں پر یقین ہے انصاف ضرور ملے گا،میرا نے کہا کہ وہ اپنے مستقبل کے حوالے سے کا فی سنجیدہ ہیں ۔ قبل ازیں فیملی جج بشری ٰخالد نے فلمسٹار میرا کا کیس ذاتی وجوہات کی بنا ءپر سننے سے انکار کردیا تھا، جس پر ڈسٹرکٹ سیشن جج لاہور نے میرا کا تکذیب نکاح کا کیس فیملی جج بابر ندیم کو ارسال کردیاتھا جس فاضل عدالت نے ابتدائی سماعت پر فریقین کے وکلاءکو بحث کےلئے کو نوٹسز جاری کر دیئے ۔