نئی دہلی (اے این این) بھارت میں موتی لعل نہرو کی پانچویں نسل بھی کانگریس کی قیادت کرے گی۔راہول گاندھی کانگریس کے اگلے صدر ہوں گے، ان کی صدارت کا حتمی اعلان 19دسمبر کو ہوگا۔نئی دہلی میں گزشتہ روز ہونے والے کانگریس ورکنگ کمیٹی اجلاس میں فیصلہ کیا گیا کہ کوئی اور امیدوار سامنے نہ آنے کی صورت میں راہول گاندھی کو ہی پارٹی کا اگلا صدر بنایا جائے گا۔جواہر لعل نہرو کے پڑ نواسے، اندرا گاندھی کے پوتے اور راجیو گاندھی کے بیٹے راہول گاندھی کے کانگریس کی قیادت سنبھالنے کے حوالے سے گجرات کے انتخابات سے قبل فیصلہ کرلیا جائے گا۔پارٹی کا صدارتی الیکشن 4دسمبر سے81 دسمبر تک ہو گا۔
