All posts by Daily Khabrain

اہم خبریں, پاکستان

چیف جسٹس نے کراچی میں 2 کمسن بھائیوں کی اموات کا ازخود نوٹس لے لیا

لاہور(ویب ڈیسک) چیف جسٹس پاکستان جسٹس میاں ثاقب نثار نے کراچی میں 2 کمسن بھائیوں کی اموات کا ازخود نوٹس لے لیا۔چیف جسٹس پاکستان نے سندھ حکومت سے اس حوالے سے 10 دن میں رپورٹ طلب کرلی ہے۔خیال رہے کہ کراچی میں 2 بھائی مبینہ طور پر زہریلا کھانا کھانے سے جاں بحق ہوگئے تھے اور اس واقعے کی مختلف زاویوں سے تحقیقات جاری ہیں۔10 نومبر کی رات متاثرہ بچے اپنی والدہ کے ہمراہ پہلے ایک پلے لینڈ گئے جہاں انہوں نے ٹافیاں، آئس کریم اور چپس کھائے جس کے بعد کلفٹن کے علاقے زمزمہ پر واقع ایک ریسٹورنٹ میں کھانا کھایا۔ایس ایس پی جنوبی پیر محمد شاہ نے بتایا تھا کہ متاثرہ خاندان نے ہفتے کی رات 11 بجے کے قریب ریسٹورنٹ سے کھانا کھایا اور صبح 5 سے 6 بجے کے درمیان دونوں بچوں اور والدہ کی طبیعت خراب ہوئی اور انہیں الٹیاں ہوئیں۔ متاثرین کو دوپہر کے وقت ایک نجی اسپتال منتقل کیا گیا، جہاں دونوں بچے دوران علاج دم توڑ گئے جب کہ والدہ کی طبیعت ناساز تھی۔انتقال کر جانے والے بچوں کی شناخت ڈیڑھ سالہ احمد اور 5 سالہ محمد کے نام سے ہوئی جب کہ ذرائع کا بتانا ہے کہ متاثرہ بچوں کے والد واقعے کے وقت لاہور میں تھے۔

اہم خبریں, پاکستان

فیاض الحسن چوہان نے بغیر نام لئے خورشید شاہ کو میٹر ریڈر جبکہ زرداری کو ٹکٹ بلیک کرنے والا سیاستدان قرار دیدیا

لاہور(ویب ڈیسک) وزیراطلاعات پنجاب فیاض الحسن چوہان نے کہا ہے کہ کوئی میٹر ریڈر قسم کا اور کوئی بمبینو سنیما میں ٹکٹ بلیک کرنے والا سیاستدان ہے جب کہ بدقسمتی سے لوٹ مار کرنے والے ٹکے ٹکے کے سیاستدان باتیں کرتے ہیں۔لاہور میں نیب کے زیر اہتمام تقریب سے خطاب کرتے ہوئے کہا کہ فیاض چوہان نے کہا کہ نیب کی عدالتوں میں آر ایسے وکٹری کا نشان بناتے ہیں جسے لال قلعہ پر پاکستان کا جھنڈا لہرا کر آئے ہیں، ہمارے میڈیا پر ایسے لوگوں کو ہیرو بناکر پیش کیا جاتا ہے۔انہوں نے کہا کہ ہمارے حکمرانوں نے ملک کو 96 ارب ڈالر کا مقروض بنادیا، پی آئی اے، ریلوے اور اسٹیل مل تباہ ہیں، سرکار کا پیسہ ہو یا ریاست کا، اسے کھا جانا کہاں کا انصاف ہے، عوام کے پیسے کو کھانے کی اللہ کے ہاں کوئی معافی نہیں۔وزیراطلاعات کا کہنا تھاکہ بدقسمتی سے لوٹ مار کرنے والے ٹکے ٹکے کے سیاستدان باتیں کرتے ہیں، کوئی میٹر ریڈر قسم کا، تو کوئی بمبینو سنیما میں ٹکٹ بلیک کرنے والا سیاستدان ہے۔فیاض چوہان نے مزید کہا کہ پہلے 3 مہینوں میں عمران خان نے کرپٹ سیاستدانوں کی بیرون ملک جائیداد کا سراغ لگایا ہے، لوٹ مار کرنے والوں پر ہاتھ ڈالا جائے تو پارلیمانی نظام خطرے میں پڑجاتا ہے۔

انٹر نیشنل

خام تیل کی قیمتوں میں 20فیصدکمی،عالمی معاشی بحران کے لئے خطرے کی گھنٹی

لندن(ویب ڈیسک) صرف 6 ہفتوں کے دوران عالمی منڈی میں خام تیل کی قیمت میں 20 فیصد کمی عالمی معاشی بحران کا پیش خیمہ ہوسکتا ہے۔برطانوی اخبار گارڈین کے تجزیے کے مطابق اکتوبر کے آغاز میں خام تیل کی قیمت 86 ڈالر فی بیرل کی سطح پر تھی جو اب 68 ڈالر فی بیرل کی سطح تک یا 20 فیصد گری ہے۔گارڈین کے مطابق محض 6 ہفتوں میں قیمت کا 20 فیصد تک گر جانا عالمی کساد بازاری کا پیش خیمہ ہو سکتا ہے۔دوسری طرف اوپیک اور روس کی جانب سے تیل پیداوار میں کمی کے اشارے کے بعد عالمی منڈی میں ٹریڈنگ کے دوران خام تیل قیمت میں ایک فیصد اضافہ ریکارڈ کیا گیا

کھیل

مہاراشٹرسے نیوزی لینڈ کرکٹ ٹیم تک کا سفر کرنے والے اعجاز پٹیل !

ابو ظہبی (ویب ڈیسک)پاکستان کیخلاف ابوظہبی ٹیسٹ میں نیوزی لینڈ کی جیت کے ہیرو اور لیفٹ آرم اسپنر اعجاز پٹیل کا تعلق بھارت کے شہر ممبئی سے ہے، وہ اپنے خاندان کے ساتھ ہجرت کرکے بھارتی ریاست مہاراشٹر سے نیوزی لینڈ کے سب سے بڑے شہر آکلینڈ آئے اور پاکستان کے خلاف پہلا ٹیسٹ 30 سال کی عمر میں کھیلا۔اعجاز پٹیل نیوزی لینڈ کی ٹیسٹ ٹیم میں شامل نہیں تھے، وہ نیوزی لینڈ اے کی جانب سے متحدہ عرب امارات میں نیوزی لینڈ اے کیلئے منتخب ہوئے تھے۔نیوزی لینڈ کے ریگولر اسپنر ٹاس ایسٹل کے ان فٹ ہونے سے اعجاز پٹیل کو سینیئر ٹیم میں شامل کیا گیا۔ انہوں نے پاکستان کیخلاف تین میں سے دو ٹی ٹوئنٹی میچز بھی کھیلے۔میں فاسٹ بولر بننا چاہتا تھا، میں نے کرکٹ سیم بولر کی حیثیت سے شروع کی لیکن مجھے بتایا گیا کہ چھوٹے قد کی
شیخ زاید اسٹیڈیم میں پہلی اعجاز پٹیل نے ٹیسٹ وکٹ پاکستانی کپتان سرفراز احمد کو آو¿ٹ کرکے حاصل کی۔ اعجاز پٹیل کہتے تھے ہیں کہ ‘میں فاسٹ بولر بننا چاہتا تھا، میں نے کرکٹ سیم بولر کی حیثیت سے شروع کی لیکن مجھے بتایا گیا کہ چھوٹے قد کی وجہ سے میں اچھا اسپنر بن سکتا ہوں’۔اعجاز نے کہا کہ اختتامی لمحات میں جب میچ دلچسپ ہورہا تھا تو میں نے اپنے اعصاب کو قابو میں رکھا، میں میچ کے دوران اسکور بورڈ کو نہیں دیکھ رہا تھا بلکہ آخری وکٹ پر توجہ تھی، اظہر علی کا ریویو لے کر نروس تھا لیکن اللہ کا شکرہے کہ مجھے پانچویں وکٹ اور میری ٹیم کو فتح ملی، جسیے ہی اسکور بورڈ پر OUT لکھا ہوا آیا میں وکٹ پر سجدہ ریز ہوگیا، اللہ تعالی نے مجھے میری مسلسل محنت کا صلہ دے دیا۔اعجاز نے پہلے ٹیسٹ میں123 رنز دے کر 7 وکٹ حاصل کیے اور مین ا?ف دی میچ ایوارڈ حاصل کیا۔ اعجاز پٹیل نے کہا کہ یہ میرا ڈریم ڈیبیو تھا، اسپیشل کارکردگی کی وجہ سے میری ٹیم کو کامیابی ملی۔نیوزی لینڈ کے کپتان کین ولیم سن کا کہنا ہے کہ ہم نے ڈرامائی فتح حاصل کی ہے۔ یہ میرے کیریئر کی یادگار فتح ہے جسے شاید میں کبھی نہ بھول سکوں۔ اس سے قبل کئی میچ قریب ا?کر ہار گئے لیکن پاکستان جیسی مضبوط ٹیم کو ہرانا واقعی نا قابل فراموش فتح ہے۔ میچ کے چار دنوں میں دونوں ٹیموں نے ایک دوسرے کو دباو¿ میں لانے کی کوشش کی، وکٹ چیلنجنگ تھی لیکن ہم نے سب کو حیران کرکے میدان مار لیا۔

پاکستان

دریائے سندھ میں کشتی ڈوبنے سے خاتون 3 بچوںسمیت ہلاک

خیرپور(ویب ڈیسک) دریائے سندھ میں خیرپور کے مقام پر مسافروں سے بھری کشتی الٹ گئی، جس کے نتیجے میں ایک خاتون اور 3 بچے ڈوب پر جاں بحق ہوگئے۔کشتی میں سوار 15 افراد کو بچا لیا گیا جبکہ خاتون اور تینوں بچوں کی لاشیں دریائے سندھ سے نکال لی گئیں۔واقعہ خیرپور میں کچے کے علاقے سگیو میں لاڑکانہ جاتے ہوئے پیش آیا، کشتی میں 20 افراد سوار تھے جن میں سے 15 افراد کو دریائے سندھ سے نکال کر زندہ بچالیا گیا۔جاں بحق ہونے والوں میں 40 سالہ مسمات فاطمہ، 5 سالہ محمد حنیف، 6 سالہ عبدالرحمٰن اور 4 سالہ عائشہ شامل ہیں جو کشتی الٹ جانے سے دریائے سندھ میں ڈوب کر لاپتہ ہوگئے۔امدادی رضاکاروں نے ایک گھنٹے کے بعد عائشہ کی لاش دریا سے نکالی جبکہ دیگر کی لاشیں کچھ دیر بعد دریا سے نکال لی گئیں۔جاں بحق ہونے والی خاتون اور بچوں کا تعلق ایک ہی خاندان سے ہے جو اپنے رشتہ دار کی شادی کی تقریب سے واپس لاڑکانہ جارہے تھے کہ واقعہ پیش آیا۔لاپتہ افراد کی لاشوں کی تلاش کے لیے سکھر اور مقامی غوطہ خوروں کی مدد حاصل کی گئی تھی۔ضلعی انتظامیہ کا کہنا تھا کہ کشتی میں گنجائش سے زائد سے افراد موجود تھے، واقعے کے بعد کشتی کے مالک کو حراست میں لے لیا گیا۔ان کا کہنا تھا کہ گاﺅں کے لوگ غریب ہیں اور وہ ٹرانسپورٹ کے مہنگے کرائے کے بجائے کشتی پر جانا پسند کرتے ہیں۔انہوں نے مزید بتایا کہ ہم نے سرکاری طور پر بھی غوطہ خور منگوائے، جنہوں نے لاپتہ ہونے والے افراد کی لاشیں نکالنے میں مدد فراہم کی۔بعد ازاں لاشوں کو گھر منتقل کردیا گیا جہاں گاﺅں کی فضا سوگوار ہے۔

انٹر نیشنل

سعودی عرب دہشتگردی اور انتہا پسندی کیخلاف جدوجہد جاری رکھے گا، شاہ سلمان

ریاض(ویب ڈیسک)سعودی عرب کے بادشاہ سلمان بن عبدالعزیز نے کہا ہے کہ ان کا ملک دہشتگردی اور انتہا پسندی کیخلاف جدوجہد جاری رکھے گا۔شاہ سلمان نے شوریٰ کونسل کے افتتاحی اجلاس سے خطاب میں کہا کہ ‘سعودی ولی عہد محمد بن سلمان کو افرادی قوت بڑھانے اور ترقی یافتہ نسل تیار کرنے کا ٹاسک دیا ہے’۔انہوں ںے کہا کہ ‘سعودی عرب میں بنیادی ترقی متوازن اور قابل قبول انداز سے جاری ہے، ہم اسلامی شرعی قوانین پر سختی سےعمل پیرا ہیں’۔شاہ سلمان نے کہا کہ ‘فلسطین کے مسئلے کا حل سعودی عرب کی ترجیحات میں شامل ہے، سلامتی کونسل کی قرارداد کے تحت یمن جنگ کے سیاسی حل کی حمایت کرتے ہیں’۔انہوں نے اپنے خطاب میں ملکی سلامتی کیلئے جانوں کا نذرانہ پیش کرنے والے بہادر فوجیوں کو خراج عقیدت بھی پیش کیا۔شاہ سلمان نے مزید کہا کہ ایران نواز ملیشا سے نمٹنے کیلئے یمنی عوام کے ساتھ ہیں، خطے کے ممالک میں ایران کی مداخلت سے دہشتگردی بڑھی، سعودی عرب نے عالمی معیشت کے استحکام کیلئے تیل کی مثبت سیاست اپنائی ہے، تیل کی قیمتوں کے استحکام کیلئے دیگر پیداواری ممالک سے تعاون کررہے ہیں۔انہوں نے کہا کہ شام بحران کے خاتمے کیلئے سیاسی حل کے خواہاں ہیں،شام سے دہشتگرد جماعتوں اور غیرملکی اثر و رسوخ ختم کیے بغیر پر±امن حل ناممکن ہے۔شاہ سلمان نے کہا کہ سعودی عرب عراق کے ساتھ تعلقات میں مزید بہتری کا بھی خواہاں ہے۔اپنے خطاب میں شاہ سلمان بن عبدالعزیز نے ترکی میں سعودی قونصل خانے کے اندر قتل کیے جانے والے سعودی صحافی جمال خاشقجی کے حوالے سے بات کرنے سے گریز کیا جس پر مغربی میڈیا تنقید کررہا ہے۔

اہم خبریں, پاکستان

چیف جسٹس کا پی ایم ڈی سی اور ڈریپ کے خلاف چونکا دینے والا اقدام

لاہور(ویب ڈیسک) سپریم کورٹ نے پاکستان میڈیکل اینڈ ڈینٹل کونسل (پی ایم ڈی سی) اور ڈرگ ریگولیٹری اتھارٹی (ڈریپ) میں بےضابطگیوں پر ازخود نوٹس لے لیا۔سپریم کورٹ لاہور رجسٹری میں چیف جسٹس پاکستان جسٹس میاں ثاقب نثار کی سربراہی میں 2 رکنی بینچ نے مختلف شکایات پر پی ایم ڈی سی اور ڈریپ کے خلاف ازخود نوٹس لیا۔سپریم کورٹ نے کہا کہ پاکستان میڈیکل اینڈ ڈینٹل کونسل اور ڈرگ ریگولیٹری اتھارٹی کا 10 سالہ فرانزک آڈٹ کرایا جائے جس کے لیے دونوں ادارے اپنے اپنے حصے کی فیس بھی ادا کریں۔چیف جسٹس پاکستان نے کہا کہ پتہ لگنا چاہیے کہ عاصم حسین پی ایم ڈی سی میں کیا کرتے رہے ہیں۔

اہم خبریں, پاکستان

نوجوانوں کو منفی اور جارحانہ پروپیگنڈے سے آگاہ رہنا ہوگا، آرمی چیف

راولپنڈی(ویب ڈیسک)پاک فوج کے سربراہ جنرل قمر جاوید باجوہ کا کہنا ہے کہ عوام خاص طور پر نوجوانوں کو منفی اور جارحانہ پروپیگنڈے سے آگاہ رہنا ہوگا۔پاک فوج کے شعبہ تعلقات عامہ (آئی ایس پی آر) کے مطابق نیشنل سیکیورٹی ورکشاپ کے شرکا ءنے جنرل ہیڈ کوارٹر (جی ایچ کیو) راولپنڈی کا دورہ کیا جہاں انہیں سیکیورٹی صورتحال پر بریفنگ دی گئی۔آئی ایس پی آر نے بتایا کہ بریفنگ کے بعد شرکاءنے آرمی چیف جنرل قمر جاوید باجوہ سے سوال جواب کیے۔آرمی چیف جنرل قمر جاوید باجوہ نے اس موقع پر گفتگو کرتے ہوئے کہا کہ پاکستان کو 2 دہائیوں میں مختلف قسم کے خطرات کا سامنا کرنا پڑا لیکن پاکستانی قوم اور فورسز نے بڑی بہادری اور کامیابی سے ان چیلنجز کا مقابلہ کیا۔آرمی چیف نے کہا کہ پاکستان نے ان خطرات کو مو¿ثر انداز سے شکست دی، صورتحال کا رخ مذہبی، فرقہ وارانہ، لسانی اور سماجی بغاوت کی طرف ہورہا ہے لہٰذا اس معاملے پر مشترکہ قومی جواب کی ضرورت ہے۔پاک فوج کے سربراہ کا کہنا تھا کہ ہماری ذمہ داری مزید بڑھ گئی ہے، ہمارے عوام خاص طور پر نوجوانوں کو منفی اور جارحانہ پروپیگنڈے سے آگاہ رہنا ہوگا۔انہوں نے کہا کہ اب ہمیں آگے بڑھنا ہے اور ترقی کرنی ہے، ہمیں بے بہا قربانیوں کے بعد اس موقع کو ہاتھ سے نہیں جانے دینا چاہیے۔

کھیل

ٹیسٹ کرکٹ میں کم رنز کا پاکستانی ہدف ،شائقین پھٹ پڑے

ابوظہبی(ویب ڈیسک)نیوزی لینڈ کی ٹیم نے دوسری بار 200 سے کم ہدف کا دفاع کرتے ہوئے ٹیسٹ میچ جیتا ہے۔ ابوظہبی ٹیسٹ کے علاوہ 1978 میں ویلنگٹن میں نیوزی لینڈ نے انگلینڈ کو شکست دی تھی۔61 ٹیسٹ میچوں میں نیوزی لینڈ 54 بار 200 سے کم ہدف کا دفاع کرتے ہوئے میچ ہار گئی جبکہ پانچ میچز ڈرا رہے۔ابوظہبی ٹیسٹ میں پاکستان کی ٹیسٹ کرکٹ میں سب سے کم مارجن سے شکست ہوئی جبکہ نیوزی لینڈ نے سب سے کم مارجن سے ٹیسٹ میچ جیتنے کا اعزاز حاصل کیا۔ یہ ٹیسٹ کرکٹ کی تاریخ میں دنیا کی کسی بھی ٹیم کی پانچویں سب سے کم ترین مارجن سے فتح تھی۔گذشتہ 10 سال میں پاکستان ٹیم 200 سے کم ہدف کے تعاقب میں پانچ بار ناکام رہی اور یہ عالمی ریکارڈ ہے۔ ایک سال کے دوران ویسٹ انڈیز اور سری لنکا کے بعد نیوزی لینڈ کے خلاف پاکستانی بیٹسمین 200 سے کم اسکور نہ بنا سکے۔ بھارت دو جبکہ آسٹریلیا اور انگلینڈ کی ٹیم ایک ایک بار 200 سے کم اسکور نہ بناسکی اور میچ ہار گئی۔چھوٹے ہدف کے تعاقب میں پاکستانی ٹیم نیوزی لینڈ کے خلاف جیت کی طرف گامزن تھی لیکن پھر بیٹنگ لائن کی خراب کارکردگی کی وجہ سے ٹیم نے یوٹرن لیا اور جیتا ہوا میچ ہار گئی۔پیر کو چوتھے روز 176 رنز کے ہدف کے تعاقب میں پاکستان کی بیٹنگ ریت کی دیوار ثابت ہوئی اور 171 رنز ہی بنا سکی۔2017میں پاکستانی ٹیم دو بار 200 سے بھی کم اسکور پر ہمت ہار چکی ہے۔ ڈیڑھ سال میں پاکستانی ٹیم کو تیسری بار جیت کیلئے 200 سے کم رنز کا ہدف ملا لیکن وہ میچ نہ جیت سکی۔مئی2017 میں برج ٹاﺅن بارباڈوس میں پاکستان کو ویسٹ انڈیز کے خلاف جیت کیلئے 188 رنز درکار تھے۔ پاکستانی ٹیم 81 رنز پر آﺅٹ ہوکر میچ 106 رنز سے ہار گئی تھی۔ابوظہبی میں پچھلے سال پاکستان کو سری لنکا کے خلاف جیت کیلئے 136 رنز درکار تھے، لیفٹ آرم اسپنر رنگانا ہیراتھ نے 43 رنز دے کر چھ وکٹ حاصل کئے۔ پاکستانی ٹیم مایوس کن انداز میں114 رنز پر آﺅٹ ہوگئی اور میچ 21 رنز سے ہار گئی تھی۔

اہم خبریں, پاکستان

مشترکہ مفادات کونسل نے مردم شماری بارے فیصلہ سنادیا،اجلاس میں چاروں صوبائی وزرائے اعلیٰ نے بھی شرکت کی

اسلام آباد(ویب ڈیسک) مشترکہ مفادات کونسل نے 2017 کی مردم وخانہ شماری کے نتائج کی اصولی منظوری دے دی۔وزیراعظم عمران خان کی زیرصدارت مشترکہ مفادات کونسل کا اجلاس ہوا جس میں صوبائی وزرائے اعلیٰ مراد علی شاہ (سندھ)، عثمان بزدار (پنجاب)، جام کمال(بلوچستان) اور محمود خان (خیبرپختونخوا) شریک ہوئے جب کہ وفاقی و صوبائی وزراءسمیت سینئر حکام نے بھی اجلاس میں شرکت کی۔ذرائع کے مطابق اجلاس میں محکمہ شماریات نے2017 کی مردم وخانہ شماری کے نتائج پر سمری پیش کی جب کہ اس دوران سندھ، فاٹا اور مختلف علاقوں کے 5 فی صدبلاکس کی دوبارہ مردم شماری بھی زیر غور آئی۔ذرائع کا کہنا ہے کہ مشترکہ مفادات کونسل نے 2017 کی مردم وخانہ شماری کے نتائج کی توثیق کرتے ہوئے اس کی اصولی منظوری دے دی ہے۔دوسری جانب مشترکہ مفادات کونسل کے اعلامیے کے مطابق کونسل نے 1230 میگاواٹ کے حویلی بہادرشاہ منصوبے اور 1223 میگاوواٹ کے بلوکی ایل این جی کے منصوبے کی بھی منظوری دی۔اجلاس میں فیصلہ کیا گیا کہ قومی وصوبائی ٹاسک فورسز معاشرے کے تمام طبقات سے مشاورت کریں گی، قومی وصوبائی ٹاسک فورسز مستقبل کی حکمت عملی پر جامع ایکشن پلان بنائیں گی۔اعلامیے کے مطابق اجلاس میں بڑھتی آبادی پر کنٹرول کرنے کی سفارش جلد پیش کرنے کی ہدایت بھی کی گئی ہے۔