All posts by Daily Khabrain

اہم خبریں, پاکستان

متنازعہ خبر …. بڑا فیصلہ ہو گیا

اسلام آباد (مانیٹرنگ ڈیسک )انگریزی اخبار میں شائع ہونے والی متنازعہ خبر کی تحقیقات کے لیے کمیٹی کی سربراہی سول شخص کو سونپنے کا فیصلہ ہو گیا ۔وزیراعظم نواز شریف سے وفاقی وزیر داخلہ چوہدری نثار نے ملاقات کی جس میں فیصلہ کیا گیا کہ متنازعہ خبر کی تحقیقاتی کمیٹی کا سربراہ اعلی افسر ہو گا ۔نجی چینل کے مطابق وزیراعظم نواز شریف سے چوہدری نثار کی ملاقات ہوئی جس میں قومی سلامتی کے خلاف ڈان نیوز میں شائع ہونے والی خبر پرتحقیقاتی کمیٹی کے حوالے سے تبادلہ خیال کیا گیا ۔ذرائع کے مطابق ملاقات میں فیصلہ کیا گیا کہ تحقیقاتی کمیٹی کی سربراہی سول شخص کو سونپی جائے گی اور اس کام کے لیے اعلی افسر کا انتخاب کیا جائے گا ۔اس دوران متنازعہ خبر پر تحقیقات سے متعلق ٹائم فرئم پر بھی بات چیت ہوئی ۔

پاکستان

ڈاکٹر عاصم ، انیس قائم خانی سمیت 4 ملزموں کی ضمانت ، نام بدستور ای سی ایل میں شامل

کراچی (کرائم رپورٹر) سندھ ہائیکورٹ نے دہشتگردوں کے علاج معالجہ کیس میں ڈاکٹر عاصم حسین سمیت چار ملزموں کی ضمانت منظور کر لی سندھ ہائیکورٹ میں دہشتگردوں کے علاج معالجہ کیس کی سماعت ہوئی جہاں عدالت نے5,5 لاکھ کے مچلکوں کے عوض پیپلز پارٹی کے سابق وزیر ڈاکٹر عاصم حسین، انیس قائم خانی، رﺅف صدیقی اور عثمان معظم کی ضمانت منظور کر لی۔ عدالت نے حکم دیا کہ ملزم ماتحت عدالت کی اجازت کے بغیر بیرون ملک نہیں جا سکتے جبکہ ڈویژن بینچ نے ملزموں کو پاسپورٹ بھی جمع کرانے کا حکم دیدیا۔ عدالت نے انسداد دہشت گردی عدالت کو دو ماہ میں ملزمان کا ٹرائل مکمل کرنے کی ہدایت بھی کر دی ۔عدالت نے حکم دیا کہ اگر ملزمان کسی اور مقدمے میں نامزد نہیں ہیں توا نہیں فوری رہا کیا جائے ۔ ڈاکٹر عاصم حسین کو گذشتہ برس 26 اگست کو کرپشن اور دہشت گردوں کی مالی معاونت کے الزامات کے تحت ا±س وقت حراست میں لیا گیا تھا جب وہ ہائر ایجوکیشن کمیشن سندھ کے ایک اجلاس کی صدارت کر رہے تھے۔بعدازاں ان کے خلاف کرپشن، دہشت گردوں کی مالی معاونت اور ان کے علاج کے الزامات پر کراچی کے نارتھ ناظم آباد تھانے میں انسداد دہشت گردی دفعات کے تحت مقدمہ درج کیا گیا تھا۔انھیں عدالتی حکم پر وقتاً فوقتاً تحقیقات کے لیے ریمانڈ پر رینجرز اور پولیس کے حوالے کیا جاتا رہا، دوسری جانب ڈاکٹر عاصم حسین کے خلاف قومی احتساب بیورو (نیب) میں کرپشن ریفرنسز بھی دائر کیے جاچکے ہیں اور نیب ان سے ہسپتالوں کے لیے زمین پر قبضے، ہسپتال کے نام پر سستے داموں زمین کے حصول سمیت ضیاءالدین ٹرسٹ کا غلط استعمال کرتے ہوئے اربوں روپے غیر قانونی طور پر بیرون ملک بھجوانے کی تفتیش کررہا ہے۔

کھیل

شارجہ ٹیسٹ …. کالی آندھی کی گرفت مضبوط

شارجہ (اے پی پی) کریگ بریتھویٹ کی شاندار سنچری کے بعد باﺅلرز کی عمدہ باﺅلنگ کی بدولت ویسٹ انڈیز کی آخری ٹیسٹ میں پوزیشن مستحکم ہو گئی جبکہ پاکستانی ٹیم دوسری اننگز میں مشکلات سے دوچار ہے، گرین شرٹس نے تیسرے روز کھیل ختم ہونے تک 4 وکٹوں کے نقصان پر 87 رنز بنا کر مجموعی طور پر 31 رنز کی برتری حاصل کر لی، اظہرعلی 45 اور سرفراز احمد 19 رنز کے ساتھ وکٹ پر موجود ہیں، جیسن ہولڈر نے 3 وکٹیں لیں، قبل ازیں کالی آندھی کی ٹیم اپنی پہلی اننگز میں 337 رنز بنا کر آﺅٹ ہو گئی تھی اور اس نے گرین شرٹس کے خلاف56 رنز کی برتری حاصل کی تھی، بریتھویٹ نے شاندار بلے بازی کا مظاہرہ کیا اور 142 رنز بنا کر ناٹ آﺅٹ رہے، وہاب ریاض نے 5 کھلاڑیوں کو آﺅٹ کیا۔ منگل کو شارجہ ٹیسٹ کے تیسرے روز ویسٹ انڈین ٹیم نے 244 رنز 6 کھلاڑی آﺅٹ پر پہلی ادھوری اننگز دوبارہ شروع کی تو بریتھویٹ 95 اور جیسن ہولڈر 6 رنز پر کھیل رہے تھے، دن کے پانچویں اوور میں محمدعامر نے ہولڈر کو آﺅٹ کر کے ٹیم کو کامیابی دلائی، ہولڈر 16 رنز بنا سکے، اس موقع پر بریتھویٹ نے بیشو کے ساتھ مل کر آٹھویں وکٹ میں 60 قیمتی رنز جوڑ کر نہ صرف گرین شرٹس کی پہلی اننگز کا سکور برابر کیا بلکہ ٹیم کو برتری بھی دلائی، بیشو 27 رنز بنا کر وہاب ریاض کی گیند پر کیچ آﺅٹ ہوئے، جوزف 6 رنز بنا کر وہاب کی گیند کا نشانہ بنے، 337 کے سکور پر کالی آندھی کی آخری وکٹ گری جب شینن گبرائل بغیر کوئی رن بنائے وہاب کی گیند پر کیچ آﺅٹ ہوئے، بریتھویٹ نے 142 رنز کی دلکش اننگز کھیلی اور آﺅٹ نہیں ہوئے۔ وہاب ریاض نے 5، محمدعامر نے 3 جبکہ یاسرشاہ اور ذوالفقار بابر نے ایک، ایک وکٹ لی۔ پاکستانی ٹیم دوسری اننگز کیلئے جب میدان میں اتری تو اس کا آغاز انتہائی مایوس کن تھا اور 48 کے سکور پر اس کے ابتدائی 4 کھلاڑی آﺅٹ ہو گئے تھے، سمیع اسلم 17، اسد شفیق اور یونس خان صفر جبکہ کپتان مصباح الحق 4 رنز بنا کر آﺅٹ ہوئے، اس موقع پر سرفراز نے اظہر کا ساتھ دیا، دونوں نے محتاط انداز اپنایا اور دن ختم ہونے تک مزید نقصان نہ ہونے دیا، اسطرح تیسرے روز جب کھیل ختم ہوا تو پاکستان نے دوسری اننگز میں 4 وکٹوں پر 87 رنز بنا کر مجموعی طور پر 31 رنز کی برتری حاصل کر لی ہے، اظہر 45 اور سرفراز 19 رنز کے ساتھ وکٹ پر موجود ہیں۔ جیسن ہولڈڑ نے 3 اور روسٹن چیس نے ایک وکٹ لی۔

اہم خبریں

عمران خان کے فیصلے کو قدر کی نگاہ سے دیکھتے ہیں: چوہدری نثار

اسلام آباد (ویب ڈیسک)وفاقی وزیر داخلہ چوہدری نثار نے نیوز کانفرنس میں کہا ہے کہ حکومت نے اسلام آباد کو بند ہونے سے بچایا ۔تحریک انصاف یا مسلم لیگ ن کی نہیں جیت عوام کی ہوئی ہے ۔پولیس نے اپنا فعال کردار ادا کیا۔وفاقی دارالحکومت میدان جنگ بننے سے بچایا۔وقت آگیا ہے کہ ہم اپنے اداروں کو بچائیں ۔خیبر پختونخوا کے عوام کا شکر ادا کرتا ہوں اور جو تکلیف پہنچی ہے اس پر معزرت خواہ ہوں ۔کہنا چاہتا ہوں کہ عمران خان صاحب الزامات سے کوئی فیصلہ نہیں ہوتا۔حالات کچھ ٹھیک ہوجائیں تو چھٹی پر جاﺅں گا ۔وفاقی وزیرداخلہ چوہدری نثار علی کا کہنا تھا کہ پچھلے چند دن سیاسی طور پر کافی تلخ رہے جب کہ عمران خان کا دھرنا موخر کرنے کا فیصلہ کسی کی جیت یا ہار نہیں ہے بلکہ یہ صرف پاکستان، ہمارے بچوں کے مستقبل، اداروں کی اہمیت اور ان پر اعتماد کی جیت ہوئی جس کا ہمیں اعتراف کرنا چاہیے۔ انہوں نے کہا کہ پاکستان کی جیت امن، قانون، اداروں پر اعتماد اور جمہوریت میں ہے اس لیے عمران خان نے جو بھی کہا ذاتی طور پر اس فیصلے کو قدر کی نگاہ سے دیکھتا ہوں، سیاسی مخالفت جب سیاسی دشمنی کا روپ لینے لگے اور اس کا بوجھ عوام پر گرنے لگے تو وہ عوام دشمنی کے زمرے میں آتا ہے لہذا حکومتی ترجمان ہونے کے عوام کو مشکلات کا سامنا کرنے پر ان کا شکریہ اور معذرت چاہتا ہوں۔عمران خان کے فیصلے کو قدر کی نگاہ سے دیکھتا ہوں ۔میرا ضمیر مطمئن ہے ۔اگر کوئی آپ کے گھر پر قبضہ کرنے آئے تو کیا کرینگے؟

انٹر نیشنل

ڈائریکٹر ایف بی آئی بڑی مشکل میں پھنس گئے

واشنگٹن( ویب ڈیسک ) وائٹ ہاؤس نے ڈیموکریٹک پارٹی کی صدارتی امیدوار ہیلری کلنٹن کی خفیہ ای میل کی تحقیقات کے معاملے پر ڈائریکٹر ایف بی آئی کا دفاع یا تنقید کرنے سے معذرت کرلی۔غیرملکی خبررساں ادارے کے مطابق ڈائریکٹر ایف بی آئی نے حال ہی میں سابق وزیرخارجہ اور ڈیموکریٹک پارٹی کی صدارتی امیدوار ہیلری کلنٹن کی خفیہ ای میل کی دوبارہ تحقیقات کرنے کا اعلان کیا تھا جس کے بعد ملک میں کھلبلی مچ چکی ہے تاہم اب وائٹ ہاؤس کے ترجمان جوش ایرنسٹ نے میڈیا بریفنگ کے دوران کہا کہ وہ ایف بی آئی ڈائریکٹر جیمز کومی کا نہ تو دفاع کریں گے اور نہ ہی ان پر تنقید جب کہ صدر اوباما جیمز کومی کو اصول پسند اور اچھے کردار کا مالک سمجھتے ہیں جنہیں ریپبلکن پارٹی نے نامزد کیا تھا۔ ترجمان کا کہنا ہے کہ بعض ڈیموکریٹک نمائندوں کا خیال ہے کہ ایف بی آئی ڈائریکٹر نئے انکشافات کے ذریعے ریپبلکن پارٹی کے صدارتی امیدوار ڈونلڈ ٹرمپ کے لئے ووٹ جمع کرنا چاہتے ہیں اور ان کا جھکاؤ ٹرمپ کی جانب ہے تاہم صدر اوباما نے اس قسم کے بیانات پر کوئی بات نہیں کی جب کہ صدر اوباما کو یقین ہے کہ جیمز کومی جان بوجھ کر خفیہ ای میل کے معاملے کی دوبارہ تحقیقات نہیں کرنے جارہے یا وہ کسی ایک جماعت کے امیدوار کو فائدہ پہنچانا چاہتے ہیں۔

انٹر نیشنل

روس کا ڈونلڈ ٹرمپ سے خفیہ تعلقات کا انکشاف

واشنگٹن( ویب ڈیسک ) روس کے کاؤنٹر انٹیلی جنس امور کے ماہر مغربی جاسوس نے امریکن خفیہ ایجنسی ایف بی آئی کو خبردار کیا ہے کہ ماسکو امریکی صدارتی امیدوار ڈونلڈ ٹرمپ سے گزشتہ کئی سالوں سے تعلقات میں ہے اور ان سے ساز باز کی کوشش کر رہا ہے۔غیر ملکی خبر رساں ادارے کے مطابق روس کے کاؤنٹر انٹیلی جنس امور کے ماہر سابق جاسوس کی جانب سے ایف بی آئی کو بھیجے گئے خط میں انکشاف کیا گیا ہے کہ ماسکو گزشتہ 5 برسوں سے ڈونلڈ ٹرمپ کی مدد کر رہا ہے، انہیں تیار کر رہا ہے اور ان سے مسلسل رابطے میں ہے۔ خفیہ میمو میں مزید کہا گیا ہے کہ روس کے خفیہ ادارے ڈونلڈ ٹرمپ کے ماسکو کے متعدد دوروں کے دوران سمجھوتا بھی کر چکے ہیں اور اگر ضرورت پڑی تو انہیں بلیک میل بھی کیا جا سکتا ہے۔ اس کے علاوہ روس کے خفیہ ادارے نے امریکی صدارت کے لئے ڈیمو کریٹک امیدوار ہلیری کلنٹن سے متعلق ایک ڈوزیئر بھی تیار کیا ہے جس میں انہوں نے ہلیری کلنٹن کے متعدد دورہ ماسکو کے دوران ان کی خفیہ کال ریکارڈنگ کی تفصیلات موجود ہے۔

انٹر نیشنل

اجتماع پر بمباری, 70افراد ہلاک ،80زخمی

کابل(آئی این پی)افغان صوبہ اورزگان میں طالبان کے اجتماع پر بمباری کے نتیجے میں 70جنگجو ہلاک اور 80زخمی ہوگئے ، جلال آباد میں مقامی قبائلی عمائدین کے اجتماع پر خودکش حملے میں 6افراد ہلاک اور7زخمی ہوگئے جبکہ سیکورٹی فورسز نے بچوں سمیت 19شہریوں کو داعش کی جیل سے آزاد کرا لیا ۔پیر کو افغان میڈیا کے مطابق جنوبی صوبہ ارزگان میں طالبان کے اجتماع پر بمباری کے نتیجے میں 70جنگجو ہلاک اور 80زخمی ہوگئے۔صوبائی گورنر کے ترجمان دوست محمد نایاب نے تصدیق کی ہے کہ فضائی کاروائی ضلع چورا میں اتوار کی دوپہر کی گئی ۔ترجمان کا کہنا تھاکہ فضائی کاروائی اس وقت کی گئی جب طالبان عسکریت پسند علاقے میں آرمی بیس کو تباہ کرنے میں مصروف تھے ۔مقامی حکام کاکہنا ہے کہ طالبان باغیوں نے دو روز قبل مربوط حملے کے دوران آرمی بیس پر قبضہ کرلیا تھا اور کچھ سیکورٹی اہلکاروں نے طالبان کے سامنے ہتھیار بھی ڈال دیئے تھے ۔دریں اثناءطالبان عسکریت پسندوں نے دعویٰ کیا ہے کہ فضائی کاروائی میں جنگجو گروپ کا کوئی جانی نقصان نہیں ہوا حملے میں تقریبا 30عامی شہری مارے گئے ہیں۔تاہم مقامی حکام نے طالبان نے دعوے کو مسترد کرتے ہوئے بے بنیاد قرار دیا ہے اور کہاکہ فضائی حملے میں ہلاک اور زخمی ہونے والے تمام عسکریت پسند ہیں۔ارزگان جنوبی افغانستان میں واقع ہے جہاں طالبان عسکریت پسند بڑی تعداد میں سرگرم ہیں۔بغداد میں بم حملوں میں 17 افراد ہلاک، 60 زخمی ہو گئے ۔پارک کی ہوئی موٹر گاڑی میں نصب کیا گیا بم شہر کے شمال مغربی میں الحریہ کے مضافات میں واقع ایک تجارتی علاقے کی مشہور پھل اور سبزی منڈی میں پھٹا، جہاں زیادہ تر شیعہ آبادی رہتی ہے، جس میں کم از کم 10 افراد ہلاک جب کہ 30 سے زائد زخمی ہوئے۔اہل کار، پولیس اور اسپتال کے حکام، جنھوں نے نام نہ ظاہر کرنے کی شرط پر گفتگو کی، چونکہ انھیں اخباری نمائندوں سے بات کرنے کی اجازت نہیں، کہا ہے کہ دیسی ساختہ دھماکہ خیز ڈوائس کے پھٹنے کے نتیجے میں تین افراد ہلاک جب کہ 10 زخمی ہوئے، موصل کے معرکوں میں ہلاک ہونے والے داعش تنظیم کے 40 شامی ارکان کی لاشیں الرقہ شہر پہنچا دی گئیں۔غیر ملکی میڈیا کے مطابق شام میں انسانی حقوق کے مانیٹرنگ گروپ کا کہنا ہے کہ عراق کے شہر موصل کے معرکوں میں ہلاک ہونے والے داعش تنظیم کے 40 شامی ارکان کی لاشیں الرقہ شہر پہنچا دی گئی ہیں۔مانیٹرنگ گروپ کا کہنا ہے کہ داعش تنظیم عراق کے شہر موصل میں کئی روز سے جاری لڑائی میں اپنے جنگجوں اور شامی ارکان سے مسلسل ہاتھ دھو رہی ہے۔ ایک جانب تنظیم موصل میں نام نہاد کامیابی کا جشن منار رہی ہے اور الرقہ میں تنظیم کے خطیب منبروں پر لوگوں کے سامنے موصل میں کامیابی کو حلب میں دابق کے ہاتھ سے نکل جانے کا بدلہ قرار دے رہے ہیں۔ دوسری جانب گزشتہ 24 گھنٹوں کے دوران تنظیم کے شامی شہریت رکھنے والے 40 ارکان کی لاشیں الرقہ شہر پہنچی ہیں۔ ان میں زیادہ تر جنگجو بچے ہیں جو موصل کی لڑائی میں مارے گئے۔مغربی یمن میں جیل کی ایک عمارت پر سعودی قیادت میں اتحادی طیاروں کے حملے میں 58 افراد ہلاک ہو گئے۔ مقامی حکام کے مطابق حدیدہ کے علاقے میں واقع ایک جیل پر اس وقت بمباری کی گئی، جب وہاں 115 قیدی موجود تھے۔ اتوار کے روز سعودی قیادت میں اتحادی فورسز نے اس عمارت پر حملے کے بعد کہا تھا کہ حوثی باغی اس جیل کو بہ طور کمانڈ مرکز استعمال کر رہے تھے۔الضالع صوبے میں عرب اتحادی طیاروں نے ضلع رداع میں جبل احرم میں باغی ملیشیاو¿ں کے ٹھکانوں پر بم باری کی جس کے نتیجے میں36 مسلح جنگجو ہلاک اور52 زخمی ہو گئے،ادھریمن کے صوبے صنعاءمیں سرکاری فوج اور عوامی مزاحمت کاروں نے رالحکومت کے شمال مشرق میں واقع تزویراتی اہمیت کے حامل پہاڑ جبل قرن نہم کا کنٹرول سنبھال لیا۔غیرملکی خبررساں ادارے کے مطابق مارب صوبے میں عرب اتحاد کے فضائی دفاعی نظام نے تین بیلسٹک میزائلوں کو فضا میں تباہ کر دیا۔ اتحادی طیاروں نے صنعاءشہر کے ایک نواحی علاقے میں میزائل داغے جانے کے لیے استعمال ہونے والے ایک لانچر کو تباہ کر دیا۔ادھر تعز صوبے میں مختلف محاذوں پر سرکاری فوج اور عوامی مزاحمت کاروں کی حوثی اور معزول صدر صالح کی ملیشیاو¿ں کے ساتھ جھڑپیں جاری ہیں۔حلب کا مشرقی علاقہ امریکہ اور روس کے درمیان جنگ بندی کے معاہدے کے ختم ہونے کے بعد سے شدید بمباری کی زد میں ہے۔شام کے لیے اقوام متحدہ کے ایلچی سٹیفان ڈی مستورا نے کہا ہے کہ ‘ وہ اس بات سے دہشت زدہ ‘ہیں کہ شامی حکومت کے باغی حلب میں عام شہریوں کو نشانہ بنا رہے ہیں۔ان کا کہنا تھا کہ مغربی حلب میں گذشتہ 48 گھنٹوں کے دوران ہونے والے ‘ بے رحم اور بِلا امتیاز’ راکٹ حملوں میں متعدد افراد ہلاک ہو چکے ہیں۔سٹیفن ڈی مستورا کے مطابق ایسے حملوں کا شمار جنگی جرائم کے زمرے میں آ سکتا ہے۔واضح رہے کہ باغیوں نے جمعے کو مشرقی حلب میں ایک بڑی کارروائی کی جس کا مقصد حکومتی محاصرے کو توڑنا تھا۔ایک اندازے کے مطابق فوجیوں نے گذشتہ ایک ماہ سے حلب کے مشرقی علاقے کا محاصرہ کیا ہوا ہے جہاں دو لاکھ، 75 ہزار افراد آباد ہیں۔روس اور شامی حکومت نے حلب میں باغیوں کے خلاف رواں برس ستمبر میں بمباری کا آغاز کیا تھا جس سے اب تک 2,700 سے زائد افراد ہلاک ہو چکے ہیں۔حلب کا مشرقی علاقہ امریکہ اور روس کے درمیان جنگ بندی کے معاہدے کے ختم ہونے کے بعد سے شدید بمباری کی زد میں ہے۔شام کے سرکاری میڈیا کےمطابق باغیوں نے حلب میں حکومت کے زیرِ قبضہ علاقوں میں کیمیائی ہتھیاروں کا استعمال کیا۔خبر رساں ادارے اے پی کے مطابق باغیوں کے ایک گروپ کے ترجمان نے شامی حکومت کے دعوے کی تردید کرتے ہوئے کہا ہے کہ ان کے پاس ایسے ہتھیار نہیں ہیں۔صنعا نیوز ایجنسی کے مطابق حلب کے دو اضلاع میں 35 افراد کو سانس لینے میں دشواری کا سامنا کرنا پڑا۔

دلچسپ و عجیب

آنکھوں کی خوبصورتی کا اہم راز …. اب کوئی پردہ نہیں

لاہور( خصوصی رپورٹ)کاجل ہر زمانے میں مقبول رہا ہے۔ عرصہ دراز سے خواتین کاجل کا استعمال کرتی رہتی ہیں۔ قدیم تہذیب میں بھی اس کے استعمال کاذکر موجود ہے۔ 70کی دہائی کی فلموں میں بالی ووڈ کی ہیروئنیں کاجل کے ساتھ دیکھی گئی ہیں۔ کاجل آنکھوں کی خوبصورتی میں اضافہ کا کام کرتا ہے۔ کہا جاتا ہے کہ کسی کے دل میں بسنے کیلئے آنکھوں کا خوبصورت ہونا بہت ضروری ہے۔ کاجل آنکھوں کی خوبصورتی میں اضافہ اور اس کو پرکشش بنانے میں اہم رول ادا کرتا ہے۔ اس میں کوئی شک نہیں کہ کاجل آنکھوں کو رعنائی بخشتا ہے اور اسے جاذب النظر بھی بناتا ہے۔ آئی میک اپ میں کاجل کو نظرانداز نہیں کیا جا سکتا۔ کاجل کی باریک لکیر نہ صرف خوبصورت آنکھوں کو نمایاں کرتی ہے بلکہ یہ آپ کے چہرے کو چمک اور رونق بھی بخشتی ہے۔ کاجل کا استعمال مختلف امراض کے علاج میں بھی کیا جاتا ہے۔ کاجل لگانے سے آنکھیں نرم تاثر دیں گی بلکہ چہرہ بھی خوشنما دکھائی دینے لگے گا۔ کاجل لگانے سے قبل آنکھوں کو ٹھنڈے پانی سے دھو لیں تاکہ پلکوں اور آنکھوں کے اطراف گرد صاف ہو جائے۔ آنکھوں کے اطراف جلد خشک ہے تو آپ موئسچرائزنگ لوشن لگائیں یا اس لوشن کا آنکھوں کے اطراف ہلکا مساج کریں۔ اس کے خلاف آپ کی جلد روغنی ہے تو آپ اس شکایت کو دور کرنے کیلئے پاﺅڈر بھی استعمال کر سکتی ہیں۔ بازار میں کاجل کے مختلف برانڈز دستیاب ہیں مگر معیاری کاجل ہی خریدیں یا پھر گھر میں کاجل بنائیں۔ غیرمعیاری اور سستا کاجل قطعی استعمال نہ کریں۔ اس سے آئی انفیکشن کا خدشہ لگا رہتا ہے۔ گھر کی بڑی بوڑھی عورتیں نیم‘ لہسن کا کاجل تیار کرنے کا فن جانتی ہیں۔ بہتر رہے گا کہ بڑی اور معمر عورتوں سے کاجل بنوا لیں۔ نیم کے پھولوں سے تیارکردہ کاجل آنکھوں کی صحت کیلئے بہتر مانا جاتا ہے۔ زچہ اور بچہ دونوں کو یہی کاجل تجویز کیا جاتا ہے۔ اگر آپ کاجل سازی کے طریقہ سے واقف نہیں ہیں تو یہ منصوبہ ترک کر دیں۔ بازار سے معیاری کاجل خرید کر اسے استعمال کریں۔ بدلتے موسموں کی بدولت جہاں زندگی میں کئی تبدیلیاں رونما ہوتی ہیں‘ وہیں جلد پر بھی بہت سے اثرات مرتب ہوتے ہیں۔ بات اگر موسم گرما اور برسات کی ہو تو یہ موسم تو ویسے بھی خواتین کیلئے خاصا مشکل ہوتا ہے۔ حبس اور تیز گرمی کی وجہ سے جلد کو بہت سے مسائل کا سامنا کرنا پڑتا ہے۔ سورج کی تیز شعاعوں سے نہ صرف رنگت سیاہ پڑ جاتی ہے بلکہ چہرے کی شادابی ختم ہو جاتی ہے۔ خواتین تھوڑی سی کوشش کریں تو نہایت خوش اسلوبی سے اس مرحلے سے گزر سکتی ہیں اور گرمیوں کے موسم میں بھی خوبصورت اور بارونق چہرے کی مالک بن سکتی ہیں۔ گرمیوں کے موسم میں اپنی جلد کو نکھارنے اور تروتازہ رکھنے کیلئے پانی زیادہ سے زیادہ پئیں۔ اپنے چہرے کی صفائی کاخاص خیال رکھیں۔ دن میں کم از کم چار مرتبہ منہ دھوئیں۔ اگر ہو سکے تو نیم کے پتوں کو پانی میں ابال لیں۔ اس سے چہرہ دھوئیں‘ اس طرح چہرے کی صفائی کے ساتھ ساتھ مہاسوں میں بھی کمی آ سکتی ہے۔ اپنے چہرے کودھوپ کی تیز شعاعوں سے محفوظ رکھیں۔

انٹر نیشنل

8 قیدی پولیس مقابلے میں ” پار “ …. کسی اہلکار کو گزند تک نہ آ سکی

نئی دہلی (خصوصی رپورٹ) بھارتی ریاست مدھیہ پردیش کی سخت سکیورٹی والی بھوپال جیل سے مبنیہ طور پر فرار ہونے والے 8 مسلمانوں کو جعلی پولیس مقابلے میں مار دیا گیا، جن کا تعلق طلبہ تنظیم سٹوڈنٹس اسلامک موومنٹ آف انڈیا (سیمی) سے تھا۔ جاں بحق ہونے والوں کے نام شیخ مجیب، ماجد، خالد، عقیل خلجی، ذاکر حسین، شیخ محبوب، محمد سالک بتائے گئے ہیں۔ صحافیوں سے بات کرتے ہوئے بھوپال کے آئی جی یوگیش چودھری نے کہا کہ جونہی ہمیں فرار ہونیوالے قیدیوں کا سراغ ملا ہم نے انہیں بھوپال شہر سے باہر اینٹ کھیڑی کے پاس گھیر لیا اور دونوں جانب سے فائرنگ ہوئی اور اس مقابلے میں وہ مارے گئے۔ انہوں نے کہا کہ سیمی کارکنوں کے پاس موجود اسلحہ کی تفصیل بعد میں فراہم کی جائے گی۔ ڈی آئی جی رمن سنگھ نے بی بی سی کو بتایا کہ رات دو سے تین بجے کے درمیان سیمی کے کارکن پولیس گارڈ رادھے شیام کا گلا کاٹ کر بھاگنے میں کامیاب ہوئے۔ ریاست کے وزیر داخلہ بھوپندر سنگھ نے اس معاملے کی تحقیقات کا حکم دیا ہے جبکہ بھارت کی وزارت داخلہ نے اس کے بارے میں ریاست سے تفیصلات طلب کر لیں۔ سٹوڈنٹس اسلامک موومنٹ آف انڈیا یعنی سیمی بھارت میں کالعدم تنظیم ہے جس پر بھارتی سرکار اسلامی بنیاد پرستی پھیلانے اور تخریب کاری سمیت دیگر سنگین الزام عائد کرتی رہی ہے۔

کھیل

یاسرنے ٹیسٹ کرکٹ میں نئی تاریخ رقم کردی

شارجہ(آئی این پی)پاکستانی سپن باﺅلر یاسر شاہ 19 ٹیسٹ میچوں میں سب سےزیادہ وکٹیں لینے والے دنیا کے پہلے بولر بن گئے ، لیگ سپنر نے یہ کارنامہ ویسٹ انڈیز کے خلاف پہلی اننگز میں انجام دیا۔ویسٹ انڈیز کے خلاف تیسرے ٹیسٹ سے قبل یاسر شاہ اٹھارہ ٹیسٹ میں سب سے زیادہ 112 وکٹیں لینے کا انگلینڈ کے جارج لوہمین اور سڈنی بارنس کا عالمی ریکارڈ برابر کر چکے تھے۔جارج لوہمین اٹھارہ ٹیسٹ کے بعد ریٹائر ہو گئے تھے جبکہ سڈنی بارنس انیس ویں ٹیسٹ میں کوئی بھی وکٹ حاصل نہیں کر سکے تھے۔ویسٹ انڈیز کے خلاف پہلی اننگز میں مارلن سیموئلز کو ایل بی ڈبلیو کر کے یاسر شاہ نے انیس ٹیسٹ میں سب سے زیادہ وکٹیں لینے کا عالمی ریکارڈ قائم کر دیا۔یاسر شاہ اس سے قبل تیرہویں ، چودہویں اور پندرہویں ٹیسٹ میں بھی سب سے زیادہ وکٹیں لینے کا ورلڈ ریکارڈ قائم کر چکے ہیں ، یاسرشاہ کے تیرہ ٹیسٹ میں وکٹوں کی تعداد چھیاسی، چودہ میں ستاسی اور پندرہ ٹیسٹ میں وکٹوں کی تعداد نوے تھی۔