اسلام آباد (خصوصی رپورٹ) جے یو آئی (ف )کے سربراہ مولانا فضل الرحمان نے آزادی مارچ میں دس لاکھ افراد اسلام آباد لانے کا دعوی کررکھا ہے، اتنے لوگوں کو لانے کے لیے بسوں کا کرایہ، دو وقت کا کھانا، سانڈ سسٹم اور دیگر اخراجات کے ساتھ ایک مہینے تک دھرنا دیا جائے تو تین ارب ساٹھ کروڑ سے زیادہ خرچہ آئے گا۔تفصیلات کے مطابق جے یو آئی ف کے سربراہ مولانا فضل الرحمان کے اثاثوں کی مجموعی مالیت اور آزادی مارچ و دھرنے پر آنے والے اخراجات میں زمین آسمان کا فرق ہے۔فضل الرحمان کے پاس بیس لاکھ روپے بینک بیلنس اور ساڑھے نو لاکھ روپے جیولری جبکہ پندرہ لاکھ مالیت کا پلاٹ، شورکوٹ میں بھی سات لاکھ روپے مالیت کا پلاٹ ہے، اثاثوں کی مجموعی مالیت صرف اکاون لاکھ روپے بنتی ہے۔تاہم آزادی مارچ میں دس لاکھ لوگوں کو لانے کے دعوے کے ساتھ ٹرانسپورٹ کا خرچہ، دو وقت کا کھانا، سانڈ سسٹم سمیت دیگر اخراجات پر صرف ایک دن کا خرچہ کروڑوں روپے بنتا ہے۔فضل الرحمان ، دس سے پندرہ لاکھ لوگوں کو اسلام آباد کیسے لائیں گے؟ دو وقت کا کھانا کیسے کھلائیں گے؟ دیگر انتظامات پر کروڑوں روپے کا فنڈ کون دے گا؟بھاری لشکر کو اسلام آباد تک پہنچانے کے لیے کم سے کم پچیس ہزار بسوں کی ضرورت ہوگی، فی بس کرایہ دس ہزار روپے رکھا جائے تو صرف بسوں کا کرایہ ہی پچیس کروڑ بن جاتا ہے۔دھرنے کے لیے اسٹیج اور سانڈ سسٹم اور روشنی کا انتظام بھی کرنا ہوگا۔ جس پر کم سے کم یومیہ خرچہ پانچ لاکھ بنتا ہے اور مہینے کا خرچہ ایک کروڑ پچاس لاکھ روپے آئے گا۔ دس لاکھ لوگ کھائیں گے کہاں سے؟ فی آدمی کم سے کم ساٹھ روپے کے حساب سے دو وقت کھانا کھائے تو یومیہ بارہ کروڑ بنتا ہے۔فضل الرحمان کے مارچ اور دھرنے کا کم سے کم ایک ماہ کا خرچہ تین ارب ستاسی کروڑ روپے کے قریب بنتا ہے، جو لگ بھگ پچیس ملین ڈالر ہوگا۔سوال اٹھتا ہے کہ مولانا اربوں روپے اخراجات کہاں سے پورے کریں گے؟ جے یو آئی پر اتنی بھاری سرمایہ کاری کون کر رہا ہے؟ اس دھرنے کا ایجنڈا اور مقاصد کیا ہیں؟ سیاسی رہنما خدشات ظاہر کرچکے ہیں کہ کہیں یہ معاملہ فارن فنڈنگ کا تو نہیں۔

لاہور (حسنین اخلاق) چینل ۵ نے ن لیگ کے قائد نوازشریف کے جیل سے اپنے صاحبزادے حسین نواز کو لکھے گئے خط کے مندرجات حاصل کرلئے، میاں نواز شریف کی جانب سے حسین نواز کو لکھا گیا خط صدر مسلم لیگ شہباز شریف کو لکھے خط سے پہلے لکھا گیا تھا۔ کارکنان اور بالخصوص عوام کو متحرک کرنے کے لئے کن سیاسی ایشوز کو نمایاں کرنا ہے وہ بھی خط کا حصہ ہیں۔ شریف خاندان ذرائع کے مطابق ن لیگ کے قائد میاں نواز شریف نے لندن میں موجود اپنے بڑے صاحبزادے حسین نواز کو مذکورہ خط میں آزادی مارچ کے حوالے سے پارٹی رہنماو¿ں کو جو ذمہ داریاں دی جانی ہیں ان سے متعلق ہدایات دی ہیں۔ دوسری جانب معلوم ہوا ہے کہ ن لیگی قیادت کو مختلف ذرائع سے یہ مصدقہ اطلاعات ملی ہیں کہ 20 اکتوبر تک گرفتاریاں شروع ہوجائیں گی اور صف اول کی ساری لیڈر شپ کو پکڑا جاسکتا ہے۔ اسی لئے خط میں گرفتار ن لیگی قائد نے متبادل قیادت کے لئے ممکنہ نام بھی خط میں تحریر کئے۔ اسی طرح خط میں حکومت مخالف تحریک کے دوران ن لیگ کے جلسوں، جلوسوں اور آزادی مارچ میں شریک ہونے والے کارکنان کے ہونے والے اخراجات کو کیسے اور کن افراد یا ذرائع سے پورا کرنا ہے یہ بھی بتایا گیا ہے۔ شریف خاندان ذرائع نے یہ بھی بتایا ہے کہ سابق وزیراعظم نوازشریف نے قید کے دوران اپنے سیاسی نظریات، قید اور اس دوران ان سے ملنے والے مقتدر افراد سے متعلق متعدد خط اپنے دونوں صاحبزادوں کو تحریر کئے ہیں جنہیں مستقبل میں کتابی شکل میں شائع بھی کیا جائے گا جبکہ جیل سے یہ خطوط بائی ہینڈ بھجوائے گئے ہیں۔ میاں نواز شریف نے اپنی وصیت کے حوالے سے بھی ایک تحریر بھی بیرون ملک بھجوائی ہے۔

لاہور (ویب ڈیسک)الیکشن کمیشن نے انتخابی ضابطہ اخلاق کی خلاف ورزی کرنے پر چیئرمین پاکستان پیپلز پارٹی بلاول بھٹو زرداری سمیت اراکین صوبائی و قومی اسمبلی کو حتمی نوٹسز جاری کردیے۔ڈسٹرکٹ ریٹرننگ آفیسر ندیم حیدر کے مطابق بلاول بھٹو زرداری، نثار کھوڑو، ناصرشاہ، مکیش چاو¿لہ، شرجیل انعام میمن، شبیر بجارانی، سردار خان چانڈیو، سہیل انور سیال سمیت دیگر کو دوسرا اور حتمی نوٹس جاری کیا گیا ہے۔انہوں نے بتایا کہ آج پہلے نوٹس کا جواب جمع کرانے کی آخری تاریخ تھی تاہم جواب جمع نہ کرائے جانے پر حتمی نوٹس جاری کیا گیا ہے۔نوٹسز کے جوابات جمع نہیں کروائے گئے تو قانون کے مطابق کارروائی کی جائے گی۔نوٹس حلقہ پی ایس 11 کی انتخابی مہم میں حصہ لینے پر جاری کیا گیا۔خیال رہے کہ 12 اکتوبر کو بلاول بھٹو زرادی کی قیادت میں ریلی نکالی گئی تھی۔بلاول نے اپنے خطاب میں کہا تھا کہ لاڑکانہ کی عوام کسی کٹھ پتلی حکومت کے ساتھ نہیں ہے، وہ 17 اکتوبر کو تیر کو جتوائیں گے اور اِس جیت کے بعد ہم 18 اکتوبر کو کراچی میں جلسہ کریں گے۔یاد رہے کہ سندھ اسمبلی کے حلقے پی ایس 11 لاڑکانہ میں 17 اکتوبر کو ضمنی انتخاب ہونا ہے، یہ نشست گرینڈ ڈیموکریٹک الائنس (جی ڈی اے) کے رکن اسمبلی معظم علی کو سپریم کورٹ کی جانب سے نااہل قرار دیے جانے کے بعد خالی ہوئی تھی۔

اسلام آباد (ویب ڈیسک)برطانوی شاہی جوڑا خصوصی طیارے کے ذریعے نور خان ائیربیس پر پہنچے جہاں وزیر خارجہ شاہ محمود قریشی نے ان کا استقبال کیا جبکہ برطانوی ہائی کمشنر بھی ائیربیس پر موجود تھے۔برطانوی شاہی جوڑے کی پاکستان میں مصروفیات کیا ہوں گی؟شہزادہ ولیم اور کیٹ مڈلٹن کو شاہ محمود قریشی نے گلدستہ پیش کیا۔ برطانوی شاہی جوڑے کی آمد کے موقع پر ان کے استقبال کی تیاریاں مکمل کرلی گئی ہیں، راولپنڈی اور لاہور میں رکشوں کو خیر مقدمی پینٹنگز سے سجادیا گیا ہے۔ذرائع کے مطابق برطانوی شاہی جوڑا 4 روزہ دورے میں 15 اکتوبر کو صدر عارف علوی اور وزیر اعظم عمران خان سے ملاقاتیں کرے گا۔ذرائع نے بتایا کہ دورہ پاکستان کے دوران شہزادہ ولیم اور شہزادی کیٹ میڈلٹن 15 اکتوبر کو ایک اسکول کا بھی دورہ کریں گے اور شاہی مہمان اسی دن ایک فلاحی پروگرام میں بھی شرکت کریں گے۔شہزادہ ولیم اور کیٹ میڈلٹن 16 اکتوبر کو لاہور جائیں گے جہاں وہ لاہور کی تاریخی بادشاہی مسجد کا بھی دورہ کریں گے اور ایک ایس او ایس ویلج کا بھی دورہ کریں گے، دورہ لاہور کے دوران شاہی مہمان نیشنل کرکٹ اکیڈمی بھی جائیں گے۔برطانوی شاہی مہمان 17 اکتوبر کو چترال جائیں گے جہاں ایک روز گزارنے کے بعد 18 اکتوبر کو دوپہر ڈیڑھ بجے وہ وطن واپس روانہ ہوں گے۔وزیر خارجہ شاہ محمود قریشی کا کہنا ہے کہ شاہی مہمانوں کی آمد سے پاک برطانیہ تعلقات مزید مستحکم ہوں گے۔وزیر خارجہ کے مطابق شاہی خاندان کا یہ وفد پاکستان کے مختلف علاقوں کا دورہ کرنے کے ساتھ پاکستان کی سیاسی قیادت سے ملاقات بھی کرے گا، برطانوی شہزادہ ولیم اور ان کی اہلیہ کیٹ مڈلٹن کا یہ دورہ ئ پاکستان، امن و امان کی بہتر صورتحال پر اعتماد کا اظہار ہے۔واضح رہے کہ برطانوی شاہی خاندان کے کسی فرد کا 13 سال بعد یہ پہلا دورہ پاکستان ہے، شہزادہ چارلس اور ڈچز آف کارنوال 2006 میں پاکستان آچکے ہیں۔

لاہور(ویب ڈیسک) جمعیت علمائے اسلام (ف) کے سربراہ مولانا فضل الرحمان نے حکومت کیخلاف آزادی مارچ کا اعلان کر رکھا ہے جسے ناکام بنانے کے لیے پنجاب حکومت نے بھی کمر کس لی۔ذرائع کے مطابق وزیر اعظم عمران خان سے وزیراعلیٰ پنجاب عثمان بزدار نے ملاقات کی جس میں آزادی مارچ ناکام بنانے کی حکمت عملی تیار کی گئی اور مارچ کے حامی مسلم لیگ ن کے ارکان کےخلاف سخت اقدامات کا فیصلہ کیا گیا۔ذرائع نے بتایا کہ حکومت پنجاب نے بھی آزادی مارچ کو ناکام بنانے کےلیے کمر کس لی ہے اسی لیے آزادی مارچ کی حمایت نہ کرنے والے لیگی رہنماو¿ں اور ارکان اسمبلی سے رابطوں کا فیصلہ بھی کیا گیا ہے۔ذرائع کا کہنا ہے کہ وزیراعظم نے وزیراعلیٰ پنجاب کو 3 صوبائی وزرائ اور پنجاب کی اہم شخصیت کو لیگی ارکان سے رابطوں کی خصوصی ذمہ داری سونپ دی ہے۔ذرائع کا کہنا تھا کہ عثمان بزدار ن لیگی رہنماﺅں اور ارکان اسمبلی سے رابطے اور ملاقاتیں کریں گے جس میں حکومت کی حمایت میں قائل کیا جائےگا جب کہ حمایت ملنے پر ان ارکان اسمبلی سےآزادی مارچ مخالف پریس کانفرنس بھی کرائی جائےگی۔تاہم رابطوں کا آغاز مسلم لیگ ن کے ا±ن ارکان سے ہوگا جو ماضی میں وزیراعظم عمران خان اور وزیراعلیٰ سےمل چکے ہوں گے۔ذرائع ن لیگ کے مطابق آزادی مارچ کی مخالفت میں ن لیگی ارکان کی اب بھی پارٹی میں اکثریت ہے۔خیال رہے کہ 25 جولائی 2018 کو ہونے والے عام انتخابات میں مبینہ دھاندلی ، معاشی بدحالی اور حکومتی نااہلی کے خلاف جمعیت علمائے اسلام (ف) کے سربراہ مولانا فضل الرحمان نے 27 اکتوبر سے حکومت کیخلاف اسلام ا?باد کی جانب مارچ شروع کرنے کا اعلان کررکھا ہے۔پاکستان پیپلز پارٹی اور ن لیگ سمیت دیگر اپوزیشن جماعتوں نے آزادی مارچ کی حمایت کا اعلان کررکھا ہے تاہم مارچ میں شرکت کے حوالےسے دو بڑی جماعتیں ن لیگ اور پیپلز پارٹی کا واضح مو¿قف سامنے نہیں آیا۔10 اکتوبر کو مسلم لیگ ن کے سینیئر رہنماو¿ں کا اجلاس ہوا جس میں ذرائع کے مطابق شہباز شریف نے مولانا کے آزادی مارچ میں شرکت کی مخالفت کی۔شہباز شریف کے مطابق اگر مولانا فضل الرحمان کا آزادی مارچ اور دھرنا مِس فائر ہوا تو حکومت کو نئی زندگی مل جائے گی۔

کراچی (ویب ڈیسک)وزیراعلیٰ سندھ مراد علی شاہ کا کہنا ہے کہ کراچی سے 70 فیصدکچرا اٹھا لیا گیا ہے۔مراد علی شاہ نے کراچی کے مختلف علاقوں کا دورہ کیا اور شہر میں صوبائی حکومت کی جانب سے جاری صفائی مہم کا جائزہ لیا۔ مراد علی شاہ صبح سویرے صدر کے علاقے میں پہنچے جہاں موبائل مارکیٹ کے قریب کچرا دیکھ کر برہم ہوگئے، انہوں نے کمشنر کو ہدایت کی کہ دکانداروں سے بات کی جائے اور اگر نہ مانیں تو پولس کارروائی کرے۔وزیراعلیٰ سندھ نے احکامات پر عمل درآمد نہ کرنے پر افسروں کو فارغ کرنے کی وارننگ بھی دی۔ میڈیا سے گفتگو میں مراد علی شاہ کا کہنا تھا کہ شہر سے 70 فیصد کچرا اٹھا لیا گیا ہے۔انہوں نے کہا کہ سڑکوں کی حالت بہت خراب ہے، ان کی مرمت اور تعمیر پر بھی توجہ دیں گے، عوام کو بھی صفائی مہم میں ہمارے ساتھ تعاون کرنا ہوگا۔وزیراعلیٰ سندھ کا کہنا تھا کہ مہنگائی کے طوفان کا وفاقی حکومت سے حساب لیا جائے گا۔قبل ازیں مراد علی شاہ بھینس کالونی زیرو پوائنٹ کی سڑک کا معائنہ کرنے پہنچے جہاں پر جیالے آپس ہی الجھ پڑے جس کی وجہ بتائی جاتی ہے کہ پارٹی کے دو مختلف گروپس وزیر اعلیٰ سندھ مراد علی شاہ کو اپنے علاقے لے کر جانا چاہتے تھے۔بھینس کالونی میں وزیر اعلیٰ سندھ کے دورے کے موقع پر ایم این اے آغا رفیع اللہ اور پارٹی کے دیگر کارکنان میں تلخ کلامی بھی ہوئی۔اس تمام تر صورتحال میں مراد علی شاہ ایم این اے آغا رفیع اللہ کو جیالوں سے الجھنے سے روکتے بھی رہے۔