تہران/ ارنا- ایک تازہ تحقیق سے معلوم ہوا ہے کہ غزہ پٹی پر صیہونی حکومت کے حملے کے ابتدائی 15 مہینے میں کم از کم 75 ہزار فلسطینی شہید ہوئے تھے۔

بتایا گیا ہے کہ غزہ کے محکمہ صحت اسی ٹائم فریم میں صرف 49 ہزار شہیدوں کا نام درج کرنے میں کامیاب ہوسکی تھی جبکہ عالمی میڈیکل جریدے “لینسٹ گلوبل ہیلتھ Lancet Global Health” کے مطابق، یہ تعداد 75 ہزار سے بھی زیادہ ہے۔

اس جریدے کی تفصیلی تجزیاتی رپورٹ میں بتایا گیا ہے کہ شہیدوں میں 56/2 فیصد خواتین، بچے اور سن رسیدہ فلسطینی شامل ہیں جو کہ غزہ کے محکمہ صحت کی رپورٹ کے عین مطابق قرار دیا گیا ہے۔

غزہ کے محکمہ صحت نے اعلان کیا ہے کہ صیہونی حکومت کے وحشیانہ حملوں میں شہید ہونے والوں کی تعداد 72 ہزار سے بڑھ چکی ہے جبکہ ہزاروں شہیدوں کے جسد خاکی اب بھی ملبے تلے دبے ہوئے ہیں اور انہیں باضابطہ اعداد و شمار میں شامل نہیں کیا جاسکا ہے۔

لینسٹ جریدے نے اس سے قبل اندازہ لگایا تھا کہ غزہ پر صیہونی حملوں کے ابتدائی 9 مہینے میں باضابطہ اعداد و شمار سے 40 فیصد زیادہ شہادتیں واقع ہوئی ہیں جس کی حقیقت اب جاکر ثابت ہوسکی ہے۔

اس تحقیقاتی مقالے کے مصنفین اور اسکالروں کا اندازہ 95 فیصد تک درست ثابت ہوا ہے تاہم دقیق اعداد و شمار کے حصول کے لیے مزید میدانی سطح کی تحقیقات کی ضرورت ہے۔

واشنگٹن: (خبریں نیوز) امریکی وزیر خزانہ سکاٹ بیسنٹ نے کہا ہے کہ دیگر قوانین کا سہارا لیا جائے گا اور رواں سال ٹیرف کم و بیش یہی رہیں گے۔

ایک بیان میں امریکی وزیر خزانہ نے کہا کہ اب ٹیرف کیلئے سیکشن 232 اور 301 کا سہارا لیا جائے گا، دونوں سیکشن کئی بار چیلنج ہوئے، اور عدالتوں نے انہیں درست قرار دیا۔

قبل ازیں صدر ٹرمپ نے کہا تھا کہ سیکشن 232 کے تحت قومی سلامتی کے تحت تمام م ٹیرف برقرار رہیں گے، سیکشن 122 کے تحت 10 فیصد گلوبل ٹیرف لگانے کے آرڈر پر دستخط کروں گا، یہ ہمارے پہلے ٹیرف سے 10 فیصد زیادہ ہوں گے۔

انہوں نے کہا کہ سیکشن 232 کے تحت 3 دن کیلئے گلوبل ٹیکس نافذ ہے، گلوبل ٹیکس کو کم از کم 5 ماہ کیلئے لگا رہا ہوں، عدالت نے ہم سے ری فنڈ کے بارے میں کوئی بات نہیں کی، ٹیرف سے حاصل رقم کو 5 سال تک کوئی چھو نہیں سکے گا، کانگریس کے ساتھ بیٹھ کر بات نہیں کرونگا کیونکہ میرے پاس اخیتار ہے۔

ٹرمپ کا مزید کہنا تھا کہ ججز سیاسی ہو جائیں تو ان سے کیس جیتنا ضروری ہے، تیسری بار آؤں یا نہیں لیکن کوشش ہوگی ملک کو گریٹ بناؤں، ججز سیاسی ہو کر فیصلے کر رہے ہیں

میدو گوری: (خبریں نیوز) نائیجریا کی زمفارا ریاست کے گاؤ پر مسلح افراد نے حملہ کرکے کم از کم 50 افراد کو قتل کر دیا۔

خبر ایجنسی کے مطابق حملہ آوروں نے خواتین اور بچوں کو بھی اغوا کرلیا، حملہ آور شام 5 بجے سے صبح ساڑھے 3 بجے تک کارروائی کرتے رہے۔

خبر ایجنسی نے مزید بتایا کہ حملہ آوروں نے گھروں کو آگ لگا دی اور فرار ہونے والوں پر اندھا دھند فائرنگ کرتے رہے۔

واضح رہے کہ گزشتہ دنوں بھی نائجیریا کی شمالی ریاست نائجر میں موٹر سائیکلوں پر سوار مسلح افراد نے حملہ کرکے کم از کم 32 افراد ہلاک جبکہ درجنوں کو اغوا کر لیا تھا، عینی شاہدین اور مقامی پولیس نے بتایا تھا کہ حملہ آوروں نے بورگو کے علاقے میں تین دیہات کو نشانہ بنایا تھا۔

ریاستی پولیس کے ترجمان واسیو ابیودون نے تصدیق کی تھی کہ مسلح افراد نے ٹُنگا ماکیری گاؤں پر حملہ کیا جہاں چھ افراد جان سے گئے، متعدد گھروں کو آگ لگا دی گئی تھی اور کئی افراد کو اغوا کیا گیا تھا بعد ازاں حملہ آور کونکوسو گاؤں کی طرف بڑھ گئے تھے۔

مقامی رہائشیوں کے مطابق کونکوسو میں فائرنگ کا سلسلہ صبح سویرے شروع ہوا اور حملہ آوروں نے اندھا دھند گولیاں چلائیں، بعض رپورٹس میں ہلاکتوں کی تعداد 26 سے 38 تک بتائی گئی تھی گاؤں میں پولیس سٹیشن کو بھی نذرِ آتش کر دیا گیا تھا اور متعدد افراد لاپتا ہوگئے تھے۔

خبر رساں اداروں نے بتایا تھا کہ حملہ آوروں نے پِیسا نامی گاؤں میں بھی کارروائی کی تھی اور وہاں ایک شخص کو قتل کر دیا تھا، علاقے کے بیشتر مکانات کو آگ لگا دی گئی تھی۔

واضح رہے کہ نائجر اور کوارا ریاستوں کی سرحد کے قریب واقع کینجی جنگل کو شدت پسند اور مسلح گروہوں کی محفوظ پناہ گاہ سمجھا جاتا ہے، جہاں بوکوحرام اور دیگر گروہ سرگرم رہے ہیں۔