لاہور: (ویب ڈسیک) کراچی سے تعلق رکھنے والی مشہور ڈیزائنر عائشہ وارثی نے عمران خان سے ملاقات میں پی ٹی آئی میں شمولیت کا اعلان کیا۔ عائشہ وارثی کا اس موقع پر کہنا تھا کہ کرپٹ سسٹم کی وجہ سے مشکلات کا سامنا ہے، عمران خان کے ویژن کی وجہ سے پی ٹی آئی کو جوائن کیا۔ان کا کہنا تھا کہ وہ عمران خان کی قیادت میں کام کریں گی، اور ملک کو درپیش چیلنجز سے نکالنے میں اپنا کردار ادا کریں گی۔

میانوالی(ویب ڈیسک)پاکستان تحریک انصاف کے چیرمین عمران خان کا کہنا ہے کہ نواز شریف تو گیا اب شہباز شریف کے جانے کی باری ہے۔تفصیلات کے مطابق میانوالی میں عوامی جلسے سے خطاب کرتے ہوئے عمران خان کا کہنا تھا کہ 21 سالہ جدوجہد میں بہت مایوسیاں ملیں، لوگوں نے مایوس کیا، الیکشن میں بھی مایوسیاں ملیں اور کچھ اپنے قریبی ساتھیوں نے بھی مایوس کیا لیکن میانوالی کے لوگوں نے مجھے کبھی مایوس نہیں کیا۔عمران خان نے کہا کہ جب 2002 میں الیکشن لڑنے کے لیے انتخابی مہم شروع کی تو کوئی سیاسی آدمی میرے ساتھ آنے کیلیے تیار نہیں تھا، میرے ساتھ میانوالی کے بچے اور نوجوان باہر نکلے اور آج اللہ کے فضل سے تحریک انصاف پاکستان کی سب سے بڑی جماعت ہے۔ان کا کہنا تھا کہ جب الیکشن مہم کے لئے لوگوں کے پاس جاتا تھا تو سب سے زیادہ پولیس اور تھانے کی شکایات ملتی تھیں اور اسی وقت لوگوں سے وعدہ کیا تھا کہ جب بھی موقع ملا تو سب سے پہلے پولیس کو ٹھیک کروں گا۔انہوں نے کہا کہ آج خیبر پختونخوا میں جا کر عوام سے پولیس کے بارے میں پوچھ لیں، وہاں صرف ایک سال کے دوران جرائم میں 70 فیصد کمی واقع ہوئی ہے

اسلام آباد (سٹاف رپورٹر)چیف الیکشن کمشنر نے عمران خان نااہلی کیس میں چیئرمین پی ٹی آئی کے وکیل کی جانب سے درخواست پر اعتراض کرنے پر ان کی سرزنش کرتے ہوئے کہا ہے کہ ایک تو آپ اڑھائی سال سے جواب نہیں دے رہے اور اوپرسے دھونس ڈالتے ہیں۔ جمعرات کو چیف الیکشن کمشنر جسٹس سردار رضا کی زیر صدارت عمران خان کی نااہلی کے خلاف دائر درخواست پرسماعت ہوئی اس موقع پر عمران خان کے وکیل شاہد گوندل نے ایک بار پھر درخواست گزار ہاشم بھٹہ کی درخواست پراعتراض کرتے کہا کہ درخواست گزار( ن )لیگ کے سابق رکن قومی اسمبلی نصیر بھٹہ کے بیٹے ہیں اور انہوں نے (ن )لیگ کی ایماءپر یہ درخواست دائر کی ہے۔شاہد گوندل نے کہا کہ قانون کے مطابق عمران خان کی نااہلی کےلئے الیکشن کمیشن میں براہ راست درخواست دائر نہیں کی جاسکتی لہذا پہلے فیصلہ کرلیا جائے کہ پٹیشن قابل سماعت ہے یا نہیںجس پر چیف الیکشن کمشنر نے کہا کہ آپ اصل بات کا جواب دینے کی بجائے اس معاملے پر بھی گریز کررہے ہیں آپ کی جانب سے اس کیس میں اڑھائی سال سے کوئی جواب نہیں آیا ہے ¾ہم ایسا کرتے ہیں کہ اس کیس کی سماعت غیر معینہ مدت کےلئے ملتوی کردیتے ہیں۔انہوںنے کہاکہ آپ جواب دینے کے بجائے ہم پر ہی دھونس ڈالے جارہے ہیں بعد ازاں چیف الیکشن کمشنر نے عمران خان کے اعتراضات پر دلائل کے لئے سماعت کو بارہ جولائی تک ملتوی کردیا ۔

اسلام آباد (مانیٹرنگ ڈیسک) تحریک انصاف کا مو¿قف ہے کہ نواز شریف اور اسحاق ڈار پانامہ تحقیقات میں رکاوٹ بن رہے ہیں، وزیر اعظم نے اپنے رتبے کو استعمال کر کے عدلیہ اور جے آئی ٹی کے خلاف مہم شروع کروا رکھی ہے، اس کا مقصد جے آئی ٹی کو تحقیقات سے روکنا ہے درخواست میں مزید کہا گیا ہے کہ وزراءاور نون لیگی رہنماو¿ں نے جے آئی ٹی ارکان اور ججوں کے خاندانوں کو بھی دھمکیاں دیں، عدالت وزیر اعظم اور وزیر خزانہ کو جے آئی ٹی کے امور میں رکاوٹ ڈالنے سے روکے، آرٹیکل 190 کے تحت تمام ریاستی اداروں کو عدالتی فیصلے پر عملدرآمد یقینی بنانے کا حکم دیا جائے۔

اسلام آباد (ویب ڈیسک )وزیرمملکت برائے اطلاعات و نشریات مریم اورنگزیب نے کہا ہے کہ عمران خان جب بھی بات کرتے ہیں تو پاکستان کے خلاف ہوتی ہے،انٹرنیشنل کھلاڑیوں کو پھٹیچر کہنا قابل مذمت ہے،عمران خان کے بیان کی وجہ سے عالمی کھلاڑیوں کو خوف لاحق ہوا،گھٹیا الفاظ کا استعمال عمران خان کی سوچ کا عکاس ہیں،اگر پی ایس ایل کا فائنل پاگل پن تھا تو قوم دہشتگردی کے خلاف ایسا کرتی رہے گی،عمران خان بھارتی کرکٹ کے پروگراموں میں شرکت کرتے ہیں،دوسروں کی دل آزاری کرنے والے بیانات سے گریز کیا جائے۔منگل کو اسلام آباد میں میڈیا سے بات چیت کرتے ہوئے مریم اورنگزیب نے کہا ہے کہ لاہور میں پی ایس ایل کے انعقاد پر قوم مبارکباد کی مستحق ہے،پی ایس ایل فائنل دہشتگردوں کو بے خوف پاکستان کا جواب تھا،عمران خان جب بھی بات کرتے ہیں تو پاکستان کے خلاف ہوتی ہے،اگر پی ایس ایل کا فائنل پاگل پن تھا تو قوم دہشتگردی کے خلاف ایسا کرتی رہے گی۔انہوں نے کہاکہ عمران خان بھارتی کرکٹ کے پروگراموں میں شرکت کرتے ہیں،دہشتگرد پاکستان میں خوف کی فضاءپیدا کرنا چاہتے تھے،عمران خان کے بیان کی وجہ سے عالمی کھلاڑیوں کو خوف لاحق ہوا۔مریم اورنگزیب نے کہا کہ گھٹیا الفاظ کا استعمال عمران خان کی سوچ کا عکاس ہیں،آزادی اظہار رائے ہر انسان کا بنیادی حق ہے،ایک جملے سے کسی طبقے کی دل آزاری افسوسناک ہے،دوسروں کی دل آزاری کرنے والے بیانات سے گریز کیا جائے،انٹرنیشنل کھلاڑیوں کو پھٹیچر کہنا قابل مذمت ہے۔

اسلام آباد(ویب ڈیسک) پاکستان تحریک انصاف کے مرکزی سیکریٹری اطلاعات نعیم الحق نے وزیراعظم محمد نواز شریف کو مقبول ترین لیڈر قرار دینے والے اداروں کو جعلی قرار دیکر واضح کہا ہے کہ نواز شریف کا عمران خان سے زیادہ مقبول ہونے کا سوال ہی پیدا نہیں ہوتا، انہوں نے ہفتے کو اپنے ایک جاری بیان میں وزیراعظم اور ان کو ملک کا مقبول سیاسی لیڈر قرار دینے والے اداروں کو آڑے ہاتھوں لیا اور وزیراعظم کے عمران خان سے زیادہ مقبول ہونے کے تمام دعو¶ں کو مسترد کیا، نعیم الحق نے کہا کہ نواز شریف امریکی پٹھو ہیں یہی وجہ ہے کہ ہرطرف سے سب اچھا ہے کی رپورٹس آرہی ہیں، نواز شریف کو مقبول ترین لیڈر قرار دینے والے ادارے جعلی ہیں اور ہم ان کے سروے کو مسترد کرتے ہیں، کیوں کہ عمران خان عوام میں مقبول اور پسندیدہ لیڈر ہیں، نواز شریف عمران خان سے زیادہ عوام میں مقبول ہی نہیں ہو سکتے۔