کراچی(ویب ڈیسک)رینجرز کے کرنل قیصر نے کہا ہے کہ کراچی بڑی تباہی سے بچ گیا ،مواچھ گوٹھ میں کارروائی کر کے 5دہشت گرد ہلاک کر دئیے گئے۔بدھ کو رینجرز ہیڈکوارٹرز کراچی میں پریس کانفرنس کرتے ہوئے کرنل قیصر نے کہا کہ اطلاع ملی تھی کہ القاعدہ برصغیر کے لوگ شہر میںداخل ہوگئے ہیں، جس پرمواچھ گوٹھ میں کارروائی کی گئی ۔کارروائی کے دوران 5دہشت گردوں کو ہلاک کردیا گیا۔انہوں نے بتایا کہ ہلاک کیے گئے دہشت گرد طاہر زمان عرف باکسر موٹا نے افغانستان میں تربیت حاصل کی۔دوسرا دہشت گرد محمد نواز2012میں القاعدہ میں شامل ہوا، جوآئی ای ڈیز بنانے کا ماہر تھا۔انہوں نے کہا کہ نواز نے دہشت گرد جاوید سواتی کو میڈیکل کی سہولت فراہم کی۔جاوید سواتی رینجرز پر حملے میں زخمی ہوا تھا،حملے میں رینجرز کے 2 اہل کار شہید ہوئے تھے۔کرنل قیصر کے مطابق تیسرا دہشت گرد بلال سانحہ صفورا کےمرکزی ملزم طاہر کاقریبی ساتھی ہے۔اس نے طاہر کے کہنے پر قتل کی8 وارداتیں کیں۔دہشت گردوں سے8کلو بارود ،ایک خود کش جیکٹ اور4بال بم برآمد ہوئے۔