لاہور(کلچرل رپورٹر)پروڈیوسرز ایسوسی ایشن کی دھمکی کے بعد اجے دیوگن نے اداکارہ صبا قمر کو اپنی فلم سے الگ کرتے ہوئے اعلان کیا ہے کہ ان کی فلم میں اب کوئی بھی پاکستانی فنکار کام نہیں کررہا۔ذرائع نے بتایا ہے کہ بالی وڈ میں پہلی فلم”ہندی میڈیم“کے ذریعے انٹری کے بعد صبا قمر نے خاموشی سے اجے دیوگن کی فلم”شیوائے“میں کام کا معاہدہ کیا تھا جس کی شوٹنگ دسمبر میں شروع ہونا تھی لیکن اسی دوران پاک بھارت کشیدگی پیدا ہوگئی جس کے بعد بالی وڈ میں پاکستانی فنکاروں کو نہ صرف دھمکیاں دی گئیں بلکہ ان کے وہاں کام کرنے پر پابندی بھی لگادی گئی۔انڈین موشن پکچرزپروڈیوسرزایسوسی ایشن نے بھی جلتی پر تیل ڈالتے ہوئے پاکستانی فنکاروں کے کام کرنے پر پابندی عائد کردی جس کے بعد ان تما پروڈیوسرز کو وارننگ دی گئی کی فوری طور ان پاکستانی فنکاروں سے معاہدے منسوخ کردیئے جائیں جنہیں پہلے سے کاسٹ کیا گیا تھا جس کے بعد اجے دیوگن نے صبا قمر کو اپنی فلم سے الگ کرتے ہوئے وضاحت کی اب ان کی فلم میں کوئی بھی پاکستانی فنکار کام نہیں کررہا جبکہ اس بارے میں صبا قمرکا موقف معلوم نہیں ہوسکا۔
