تازہ تر ین

حمیراارشد،احمدبٹ کے درمیان راضی نامہ ….درخواستیں واپس

لاہور( خبر نگار) گلوکارہ حمیرا ارشد اور اسکے سابق خاوند میں بچے کے معاملے پر راضی نامہ ہوگیا گارڈین جج شاہد علی کھوکھر کی عدالت میں فریقین کی جانب سے رضا مندی سے ہفتے میں2دن بچہ باپ جبکہ باقی 5دن ماں کےساتھ گزارے گا۔ معاہدے کے مطابق بچہ ہر جمعہ کی شام5بجے سے لے کر اتوار شام 5بجے تک اپنے باپ خلیل احمد بٹ کےساتھ جبکہ ہفتہ کے باقی دن حمیرا ارشد کےساتھ رہے گا۔جبکہ بچے کے تعلیمی اخراجات حمیرا ارشد پہلے کی طرح خود ادا کریں گی فریقین میں یہ بھی طے پایا ہے کہ اگر حمیرا ارشد اپنی شوبز سرگرمیوں کے باعث ایک ماہ سے زیادہ عرصہ کے لیے بیرون ملک اکیلی جاتی ہیں تو اس صورت میں بچہ اپنے والد خلیل احمد بٹ کےساتھ قیام کر سکتا ہے فریقین میں یہ بھی طے پایا کہ وہ ایک دوسرے کے خلاف بچے کی حد تک کوئی قانونی کاروائی نہیں کریں گے اور ایک دوسرے کے خلاف اس حوالے سے دی گئی درخواستیں بشمول فوجداری واپس لینے کے پابند ہونگے معاہدے میں ےہ بھی طے پایا کہ حمیرا ارشد اور خلیل احمد بٹ بچے کو 15دن کے لیے بےرون ملک اگر لے کر جانا چاہیں تو لے کر جاسکتے ہیں جج شاہد علی کھوکھر نے فریقین کے وکلا کی درخواست پر رٹ خارج کردی۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain