مودی کے پاکستان پر دہشت گردی کے الزامات …. روس نے بھارت کو آئینہ دکھا دیا

نئی دہلی، واشنگٹن(خصوصی رپورٹ)بھارتی وزیراعظم نریندر مودی کے پاکستان پر دہشت گردی کی سرپرستی کے الزامات دھول ہوگئے اور برکس اجلاس میں چین کی مخالفت کے بعد روس کی خاموشی سے بھارت کی مودی حکومت کو بڑا دھچکا لگا اور بھارتی میڈیا نےکہا ہے کہ چین سے زیادہ روس نے بھارت کو مایوس کیا جبکہ امریکا نے نریندر مودی کی جانب سے پاکستان کو دہشتگردی کا محور قرار دینے کے بیان پر تبصرےسے گریز کیا ہے اور وائٹ ہاوس کے پریس سیکرٹری جوش ارنسٹ نے کہا کہ بھارتی وزیراعظم نریندر مودی کے بیان کا علم نہیں ، پاکستان خود دہشت گردی کا شکار ہے ، اوباما انتظامیہ سمجھتی ہے کہ پاکستان کو دہشت گردی سے نمٹنے کیلئے مزید اقدامات کرنے ہوں گے ، پاک بھارت مذاکرات ہونے چاہئیں۔ بھارتی میڈیا کےمطابق برکس اجلاس میں روس نےخاموش رہ کربھارت کے بجائے پاکستان کاساتھ دیا ہے۔ٹائمز آف انڈیا کی رپورٹ میں حکومتی ذرائع کے حوالے سے دعوی کیا ہے کہ برکس اجلاس میں روس نے پاکستان کے خلاف بھارتی موقف مسترد کردیاجس پر مودی حکومت کافی پریشان ہے۔