حضرت مسیح کو جنم دینے والی ہوںبرطانوی نفسیاتی مریض لڑکی کا دعویٰ

لندن (این این آئی)نوعمر برطانوی لڑکی نے افسوسناک دعویٰ کیا ہے کہ وہ نو ماہ کی حاملہ ہے اوروہ جلد حضرت مسیح کو جنم دینے والی ہے،میڈیارپورٹس کے مطابق مغربی معاشرے میں مذہب کی تضحیک کوئی نئی بات نہیں ہے لیکن برطانیہ سے تعلق رکھنے والی ایک نوعمر لڑکی نے تمام حدیں پھلانگتے ہوئے ایسا افسوسناک دعویٰ کردیا کہ جس نے دنیا بھر کے عیسائیوں کے ساتھ مسلمانوں کی بھی دل آزاری کی ہے۔19 سالہ لڑکی ہیلی کا کہنا تھا کہ وہ 9ماہ کی حاملہ ہے اور اس کے پیٹ میں کوئی اور نہیں بلکہ عیسائی مذہب کے بانی و پیشوا حضرت مسیح پرورش پارہے ہیں جو عنقریب جنم کے بعد دنیا میں ظاہر ہوجائیں گے۔ ہیلی کا کہنا تھاکہ گزشتہ 9ماہ کے دران اس کے وزن میں چھ کلوگرام کا اضافہ ہوچکا ہے اور اس کا بڑھا ہوا پیٹ اس بات کا ثبوت ہے کہ وہ واقعی حاملہ ہے۔اس لڑکی کے افسوسناک دعوے نے اس کے اپنے گھر والوں کو بھی شرمندہ اور پریشان کردیا ہے۔ مقامی میڈیا سے بات کرتے ہوئے ہوئے اس کی والدہ کرسٹی کا کہنا تھا کہ اسے سمجھ نہیں آرہی کہ اپنی بیٹی کا کیا کرے۔ ان کا کہنا تھا کہ ہیلی جھوٹ بولنے کی عادی ہے لیکن انہیں توقع نہیں تھی کہ وہ اس طرح کا جھوٹ بولے گی۔