مانچسٹر(آئی این پی) عمران خان تیسری شادی کا لڈو کھانے کے لیے بظاہر تیار دکھائی دے رہے ہیں۔نجی ٹی وی کے مطابق مانچسٹر میں عمران خان اپنے دوست کی بہن کی شادی میں نوبیاہتا جوڑے کو مشورہ دیتے ہوئے شرما گئے لیکن اپنی تیسری شادی کے لکی ہونے کی دعا کرتے ہوئے بالکل نہیں شرمائے۔ عمران خان نے دوست کی بہن کی شادی میں اپنی شادی کا تذکرہ کیا۔ان کا کیا کہنا تھا کہ شادی کے معاملے میں میرا ٹریک ریکارڈ اچھا نہیں۔ عمران خان نے امید ظاہر کیا کہ ہوسکتا ہے کہ تیسری مرتبہ شادی کا بندھن خوش قسمت ثابت ہو۔معروف آسٹرولوجسٹ نے پیش گوئی کی ہے کہ شادی کیلئے عمران خان کی قسمت ساتھ دے رہی ہے ،شادی کا لڈو خوشی خوشی کھائیں اس بار ہضم ہو جانے کے امکانات روشن ہیں۔نجی ٹی وی سے گفتگو کرتے ہوئے سامعہ خان نے کہاکہ تحریک انصاف کے چیئرمین عمران خان کو اچھی خبر سنا دی اور کہا ہے کہ اب اچھے وقت کی شادی ہے اور اس کے نتائج بھی اچھے ہی ہوں گے۔ انہوں نے کہا کہ عمران خان کی شادی میں قسمت ساتھ دے رہی ہے اور اب اچھے وقت کی شادی ہے جو نتائج بھی اچھے دے گی۔ انہوں کا کہنا تھا کہ ان کے خیال میں یہ سب کچھ طے ہو چکا ہو گا اور اب عمران خان یہ لڈو خوشی خوشی کھائیں کیونکہ یہ لڈو ہضم بھی ہو گا۔واضح رہے کہ عمران خان اور ریحام خان کی شادی کے بعد معروف آسٹرولوجسٹ نے پیشنگوئی کی تھی کہ ان کی شادی زیادہ دیر تک نہیں چلے گی جو سچ ثابت ہوئی اس طرح عمران خان اور ریحام خان صرف ایک سال ایک ساتھ رہنے کے بعد الگ ہوگئے۔
