شکاگو(این این آئی)پاکستانی نژاد امریکی ریسلر مصطفی علی ڈبلیو ڈبلیو ای کا حصہ بن گئے ہیں ¾شکاگو میں پیدا ہونے والے مصطفی علی پاکستان سے تعلق رکھنے والے پہلے ریسلر ہیں جو ڈبلیو ڈبلیو ای کا حصہ بنے ہیں اور انہیں اس کمپنی کے نئے شو 205 لائیو کے لیے کنٹریکٹ دیا گیا ۔ آج پرنس مصطفی علی ممکنہ طور پر پہلی بار ایکشن میں دکھائی دیں گے۔ڈبلیو ڈبلیو ای کے رواں سال ہونےوالے ایک ریسلنگ ٹورنامنٹ کروزر ویٹ کلاسیک کے ذریعے مصطفی علی کی اس کمپنی میں انٹری ہوئی تھی۔ مصطفی علی نے بتایا کہ ڈبلیو ڈبلیو ای میں لڑنا میرے لیے بہت اہمیت رکھتا ہے، یہ وہ خواب ہے جس کے ساتھ میں بڑا ہوا، اس کے لیے میں 13 برسوں سے کوشش کررہا تھا۔
اسی کے لیے میری ہڈیاں ٹوٹیں، متعدد تقریبات کو فراموش کیا، ڈبلیو ڈبلیو ای کے رنگ میں کھڑے ہونے کے لمحے کے جذبات بیان کرنے کےلئے میرے پاس الفاظ نہیں۔انہوںنے کہاکہ مجھے مسلمان اور پاکستانی ہونے پر فخر ہے اور میں چاہتا ہوں کہ امریکا مجھے قبول کرے، میں اس حقیقت پر روشنی ڈالنا چاہتا ہوں کہ ہم سب ایک ہیں۔
