موجودہ بنچ سے ہی پانامہ کا فیصلہ کرانیکا فیصلہ

اسلام آباد (آن لائن)چیئر مین تحریک انصاف عمران خان نے کہا ہے کہ پانامہ لیکس کیس میں تمام ثبوت عدالت میں پیش کر دیئے ہیں، اب نواز شریف کو سعودی شہزادہ یا ڈونلڈ ٹرمپ نہیں بچا سکتا، شریف خاندان کی کرپشن بچانے کے لئے پوری حکومتی مشینری کام کر رہی ہے۔ منگل کے روز بنی گالہ میں میڈیا سے گفتگو کرتے ہوئے تحریک انصاف کے چیئر مین عمران خان نے کہا کہ پی ٹی آئی کے جنونی کارکن اگر روڈ پر نہ نکلتے تو پانامہ لیکس کا معاملہ دفن ہو جاتا۔ پی ٹی آئی نے تمام ثبوت عدالت عظمیٰ کے سامنے پیش کر دیئے ہیں تحریک انصاف نے جو کرنا تھا وہ کر دیا۔ پوری قوم کی جانب سے نعیم بخاری اور ان کی ٹیم کو مبارکباد پیش کرتا ہوں۔ عدالت میں پی ٹی آئی کی ٹیم نے پوری تیاری کے ساتھ کیس لڑا اور ثبوت عدالت کو پیش کئے۔ نواز شریف نے قومی اسمبلی میں خطاب کرتے ہوئے جھوٹ بولا۔ عدالت نے کہا کہ نواز شریف کے وکلاءکو کئی سوالات کے جواب دینے ہوں گے ۔ ججز کا کہنا تھا کہ نواز شریف کے بچوں نے فلیٹس اور کمپنیوں کی ملکیت تسلیم کی ہے تو تمام ثبوت بھی پیش کرنا ان کی ذمہ داری ہے۔ نواز شریف نے خود کہا کہ جائیداد کے تمام کاغذات اور ثبوت عدالت میں پیش کریں گے۔ انہوں نے کہا کہ قطری شہزادے کے خط کے مطابق پیسہ دبئی سے قطر اور پھر لندن منتقل ہوا جبکہ وزیراعظم نے کہا کہ جدہ سٹیل مل بیچ کر لندن میں انکے بچوں نے کاروبار شروع کیا۔ اگر گلف سٹیل مل نقصان میں تھی تو ان کے پاس پیسا کہاں سے آیا ۔ مے فیئر کے چاروں فلیٹس شریف فیملی کی ملکیت ہیں۔ شریف فیملی کے پاس پیسے کہاں سے آئے اور کہاں گئے سب کچھ سامنے آ گیا ہے۔ عمران خان کا کہنا تھا کہ حسین نواز 1999ءمیں طالب علم تھا اور تمام اخراجات کے لئے تمام پیسے پاکستان سے آئے تھے۔ 2001ءمیں حسین نواز کے کاروبار شروع کیا اور کیسے ارب پتی بن گیا۔ حسین نواز نے کاروبار شروع کر کے 5سالوں میں کیسے74ارب روپے بھیجے۔ میرے خیال میں 74ارب روپے پاکستان سے منی لانڈرنگ کے ذریعے باہر بھیجے پھر 74ارب روپے حسین نواز نے ڈائر سے کلین کر کے واپس پاکستان بھیجے۔ عمران خان نے کہا کہ پاناما معاملے پر سب سے زیادہ جدوجہد پی ٹی آئی نے کی اور میری درخواست ہے کہ سپریم کورٹ کا یہ بینچ ہی کیس کا فیصلے کرے۔عدالت نے آج کہہ دیا بار ثبوت دینے کی ذمہ داری نواز شریف فیملی پر ہے تاہم اب یہ ثابت ہوگیا ہے کہ ان کے پاس کوئی ثبوت اور کاغذات نہیں۔”نواز شریف خود کو بچانے کیلئے ڈونلڈ ٹرمپ کو نہ بلالیں “۔بنی گالہ کے باہر میڈیا سے گفتگو رکرتے ہوئے انہوں نے کہا کہ بینچ کے پاس فیصلہ کرنے کیلئے کافی ثبوت آچکے ہیں ، پی ٰ ٹی ا?ئی ملک کو پاناما کیس سے آزادی دلانا چاہتی ہے۔ ”عمران خان صرف نوازشریف کے نہیں بلکہ حکومت کے خلاف کیس لڑ رہا ہے “۔پی ٹی آئی نے ثابت کیا کہ وزیراعظم نے قوم، قومی اسمبلی سے خطاب میں جھوٹ بولا۔