بےنظیر بھٹو کی 9ویں برسی ,تیاریاں مکمل کر لی گئیں

مظفرآباد/ گڑھی خدا بخش ( اے این این ) پیپلز پارٹی کی قائد دختر مشرق محترمہ بے نظیر بھٹو شہید کا نواں یوم وفات آج ریاست آزاد کشمیر سمیت ملک بھر میں عقیدت و احترام کے ساتھ منایا جائےگا ¾ صبح کا آغاز مساجد شریف میں قرآن خوانی سے کیا جائے گا تمام ضلعی ، تحصیل سٹی مقامات پر پروقارتقریبات کا انعقاد کیا جائے گا جبکہ برسی کا مرکزی اجتماع دارالحکومت مظفرآباد ایوان صحافت میں ہوگاگزشتہ روز برسی کے انتظامات و تیاریوں کے سلسلہ میں تفصیلات بتاتے ہوئے پاکستان پیپلزپارٹی کے سابق میڈیا ایڈوائزر شوکت جاوید میر نے کہا کہ اس سے قبل دربار عالیہ سائیں سخی سہیلی سرکارؒکی جامع مسجد شریف میں قرآن خوانی اور فاتحہ کی بابرکت محفل منعقد ہو گی جبکہ پارٹی کے جواں سال چیئرمین بلاول بھٹو زرداری ، سابق صدر پاکستان آصف علی زرداری گڑھی خدا بخش شہداءکے مزار پر ملک گیر اجتماع سے خطاب کرینگے اور شہداءکی قومی ،عالمی خدمات کو خراج عقیدت پیش کرنے کے علاوہ مستقبل کی سیاسی حکمت عملی کا اعلان کرینگے ،انہوں نے کہا کہ آزاد کشمیر بھر سے پارٹی ، پی، ایس، ایف ،یوتھ اور ضلعی تنظیموں کے عہدیداران ، کارکنان گڑھی خدابخش جلسہ عام میں شرکت کے لئے روانہ ہو چکے ہیں پارٹی کے بانی چیئرمین شہید ذوالفقار علی بھٹو نے پیپلزپارٹی کی بنیاد دم گھٹتی انسانیت ،لاچار ،بے بس، مجبور ، پسے ہوئے طبقات کے حقوق کی بازیابی اور ڈیڑھ کروڑ کشمیری عوام کے بنیادی حق حق خود ارادیت کے حصول اور تقسیم کشمیر کی عالمی سامراجی سازشوں کو بے نقاب کرنے کے لئے رکھی ،اور معائدہ تاشقند کے موقع پر وزارت خارجہ کے منصب سے مستفی ہو کر خلق خدا کی رہنمائی کا بیڑہ اٹھایا اور آج تک وہ عوام کے دل ودماغ پر حکمرانی کر رہے ہیں قائد عوام نے غریب عوام کو عزت و وقار سے جینے کا ڈھنگ سکھایا۔