طالبہ سے ماسٹر کی زیادتی ، کھلبلی مچ گئی ….” جنسی بلا “ اور کلرک معطل

حافظ آباد(میاں فضل احمد ارئیں) خبریں کی خبر پر ایکشن گورنمنٹ سپیشل ایجوکیشن سکول حافظ آبا سونیا نور کو زیادتی کا نشانہ بنانے والے ٹیچر زوہیب اوراس کاساتھ دینے والے کلرک ذکاءاللہ کو معطل کرکے انکوائری شروع کردی۔گورنمنٹ سپیشل ایجوکیشن سنٹر حافظ آبادکے پرنسپل ہارون شہزاد بھٹہ نے خبریں سے گفتگوکرتے ہوئے بتایا کہ اس واقع میں ملوث زوہیب اورذکاءاللہ کو فوری طورپر معطل کردیاگیا ہے اوران کے خلاف انکوائری شروع کردی گئی ہے ۔اس سلسلہ میں محمدعلی گوہر پرنسپل گورنمنٹ سپیشل ایجوکیشن پنڈی بھٹیاں،ثاقب افضل پرنسپل وارث شاہ سپیشل ایجوکیشن سنٹر شیخوپورہ کو انکوائری افسرمقررکیا گیا ہے انہوں نے اس بات کی تردید کی کہ زوہیب ٹیچر ہے بلکہ وہ سٹورکیپر ہے اورذکاءاللہ جوئنیر کلرک ہیں۔ گورنمنٹ سپیشل ایجوکیشن سکول حافظ آباد کے ٹیچرسے زیادتی کا نشانہ بننے والی پانچویں کلاس کی طالبہ سونیا کے والدین نے ”خبریں“ سے گفتگوکرتے ہوئے کہا کہ ملزم زوہیب ان کی سماعت سے محروم ،ذہنی معذورمعصوم بچی کے ساتھ ڈیڑھ سال زیادتی کرتارہا جب کااسکا ساتھ ذکاءاللہ دیتاتھا ۔ان کو یکم دسمبر کو اس واقعہ کے متعلق معلوم ہواتو اس نے ذکاءاللہ کو اس کے متعلق بتایا کہ وہ اس کو سکول کے پرنسپل سے ملوائیںمگراس نے ان کو نہیں ملوایا۔تواس نے تھانہ صدر گیا توتھانہ کے باہر کھڑے سپاہی نے اس کو تھانہ میں ہی داخل نہیں ہونے دیا ایک دن بعد دوبارہ گیا تومنت سماجت کرکے تھانہ صدرمیں داخل ہوا جبکہ سپیشل سکول سنٹر اورتھانہ صدرکی دیواریں اکھٹی ہیں مگر تھانہ میں ایس ایچ او موجود نہ تھے توانتظارکرکرکے واپس آگیا اگلے روز ڈی پی او دفترگیا مگروہاں بھی کچھ ایسا ہی ہواتواس نے مجبوراً عدالت کا دروازہ کھٹکٹھایاجس پر قانون حرکت میں آیا اوراسکامقدمہ درج ہوا۔مقدمہ کے اندراج کے بعد ابھی تک ملزمان گرفتارنہیں ہوئے۔سونیاکے والدین نے بتایا کہ سونیا7سال تک سنتی اوربولتی نہیں تھیں مگراب کچھ کچھ بولنا شروع کیاہے ۔انہوں نے خبریں کا شکریہ اداکیا کہ خبریں سونیا کی آواز بنا جس سے ان کو حوصلہ ہواہے کہ ان کو ضرورانصاف ملے گا۔اللہ تعالیٰ ضیاءشاہد کی عمردرازکرے وہ مظلوم کی آواز بلندکرتاہے ۔خبریں میں خبر شائع ہونے بعدملزمان کو سپیشل ایجوکشن سنٹر سے معطل کیاگیا اوران کی انکوائری شروع ہوئی ہے۔سونیا کی والدہ نے بتایا کہ ملزم زوہیب نے ان کو ہرطرح سے دھمکایاکہ اگرانہوں نے کوئی کاروائی کی توان کوزندہ نہیں چھوڑوں گا۔ گورنمنٹ سپیشل ایجوکیشن سکول حافظ آباد کے ٹیچر زوہیب کی پانچویں کلاس کی معذور طالبہ سونیا کے ساتھ مبینہ زیادتی کا نشانہ بننے والی طالبہ کے والدین نے وزیراعلیٰ پنجاب میاں شہباز شریف سے خبریں کی وساطت سے ہاتھ جوڑ کر اپیل کی ہے کہ کمسن طالبہ سے زیادتی کرنے والے درندہ صفت ٹیچر کو سرعام سزائے موت دی جائے تاکہ آئندہ کوئی استاد اپنی کمسن طالبات کو ورغلاکران کے ساتھ ایسا ظلم نہ کریں۔