اسلا م آباد (مانیٹرنگ ڈیسک) پانامہ کیس کی سماعت آج صبح دوبارہ شروع ہوئی تو عدالت نے سماعت روزانہ کی بنیاد پر کرنے کا فیصلہ کیا اور کہا کہ کیس میں التوا کسی صورت نہیں دیا جائے گا۔ تمام درخواستوں کا جائزہ لے کر فیصلہ حقائق کی بنیاد پر کیا جائے گا۔ طارق اسد ایڈووکیٹ نے کہا عمران کے احتجاج سے عوام کے بنیادی حقوق متاثر ہوئے۔ عمران اور جہانگیر ترین کی بھی آف شور کمپنیاں ہیں۔ سب کے خلاف تحقیقات کیلئے کمیشن بنایا جائے۔ عمران خان کی طرف سے کیس بارے مزید شواہد اور دستاویزات پیش کی گئیں۔ طارق اسد ایڈووکیٹ نے کہا کہ عمران کا نام بھی پانامہ لیکس میں شامل ہے۔
