مردان کے بلے باز کا سڈنی ٹیسٹ کے چوتھے روز بھی ایک اعزاز اپنے نام

سڈنی( ویب ڈیسک ) سڈنی ٹیسٹ میں یونس خان نے ایک اور ریکارڈ اپنے نام کر لیا ہے ، وہ ایس سی جی میں ناقابل شکست 175 رنز بنا کر پانچویں ٹاپ سکورر بن گئے ہیں۔ سڈنی ٹیسٹ سینئر قومی بیٹسمین یونس خان کیلئے یادگار بن گیا۔ خان آف مردان نے کینگروز کے خلاف 175 رنز کی شاندار اننگز کھیلی۔ پہلی اننگز میں ناقابل شکست رہنے والے مڈل آرڈر بیٹسمین سڈنی کے میدان پر پانچویں ٹاپ سکورر بن گئے۔ ایس سی جی پر ویسٹ انڈیز کے برائن لارا 277 رنز کیساتھ پہلے ٹاپ سکورر بلے باز ہیں۔ اس سے قبل گزشتہ روز یونس خان نے کینگروز کے دیس میں کیریئر کی پہلی سنچری داغی تھی۔ آسٹریلیا کے خلاف سنچری بنانے کے بعد وہ تمام ٹیسٹ کھیلنے والے ممالک میں سنچری سکور کرنے والے دنیا کے پہلے بیٹسمین بن گئے تھے۔