کراچی ( کورٹ رپورٹر) انسداد دہشتگردی عدالت نے ملک مخالف تقریر پر ایم کیو ایم کے قائد الطاف حسین کے ریڈ وارنٹ جاری کرنے کا حکم دیتے ہوئے سہولت کاری کے الزام میں ایم کیو ایم کے کنویئر فاروق ستار ، عامر لیاقت سمیت دیگر کے ناقابل ضمانت وارنٹ گرفتاری بھی جاری کردیئے ہیں، گذشتہ روز انسداد دہشتگردی کی عدالت میں اشتعال انگیز تقاریر سے متعلق کیس کی سماعت ہوئی ، عدالت نے ایم کیو ایم کے رکن قومی اسمبلی کنور نوید جمیل کی تین مقدمات میں درخواستوں سے متعلق فیصلہ 23جنوری تک محفوظ کرلیا، جبکہ عدالت نے شاہد پاشا کی بربریت سے متعلق فیصلہ بھی محفوظ کرلیا ہے، عدالت نے مقدمہ میں مفرور ملزمان ایم کیو ایم کے فاروق ستار، عامر لیاقت سمیت دیگر کے ایک بار پھر ناقابل ضمانت وارنٹ گرفتاری جاری کردیئے ، دوسری جانب عدالت نے ایم کیو ایم کے قائد کے ریڈ وارنٹ جاری کرنے کا حکم دیدیا، عدالت نے وزارت داخلہ کو انٹرپول کے ذریعے ایم کیو ایم کے قائد کو گرفتار کرکے عدالت میں پیش کرنے کا حکم دیتے ہوئے سماعت آئندہ تاریخ تک ملتوی کردی ۔
