لاہور (خصوصی رپورٹ) اللہ تعالیٰ نے اپنی کلام یعنی قرآن مجید میں اخروی کے ساتھ ساتھ دنیاوی مسائل کا حل بھی پیش کر دیا ہے اور اگر کوئی عورت بانجھ پن کے مرض میں مبتلا ہو تو اسے چاہئے کہ سورة الرحمن کی تلاوت کرے۔ اللہ تعالیٰ نے چاہا تو یہ عارضہ دور ہو جائے گا۔ اگر کسی عورت کو بانجھ پن کا عارضہ لاحق ہو تو وہ ہر نماز کے بعد 11مرتبہ درود پاک پڑھے‘ پھر21مرتبہ یا باری المصور پڑھے‘ اس کے بعد ایک بار سورة رحمن اور 11مرتبہ درود پاک کا ورد کرے۔ یہ وظیفہ معمول بنانے سے ان شاءاللہ جلد ہی اس کی امید بر آئے گی‘ اولاد ہوجائے گی اور حمل قرار پائے گا۔ بانجھ پن کے عارضہ کو دور کرنے کیلئے یہ عمل اکسیر کی حیثیت رکھتا ہے۔ اگر کسی کے کان میں درد ہو تو اسے چاہئے کہ وہ سات دن تک فجر کی نماز کے بعد اول 21مرتبہ درود پاک پڑھے‘ پھر 700مرتبہ ”یا رحمن“ کا ورد کرے۔ اس کے بعد پھر 21مرتبہ درود پاک پڑھے اور اپنے اوپر پھونک مار کر ہاتھوں پر دم کرے اور دم کئے ہوئے ہاتھ اپنے کانوں پر پھیرے‘ حق تعالیٰ نے چاہا تو کان کا درد جاتا رہے گا۔ تمام دن کام کاج کی وجہ سے اگر تھکاوٹ ہو جائے تو رات کو سونے سے پہلے اول سات مرتبہ درود پاک پڑھیں پھر 33مرتبہ ”یا رحمن“ کا ورد کریں۔ اس کے بعد پھر سات مرتبہ درود پاک پڑھے اور اپنے جسم پر پھونک مارے۔ حق تعالیٰ نے چاہا تو تھکاوٹ دور ہو جائے گی اور صبح اٹھتے وقت تھکاوٹ محسوس نہ ہو گی۔
سورة الرحمن
