رائے ونڈ (نامہ نگار) اے ایس پی رائے ونڈ سرکل عبدالوہاب کے حکم پر تہلکہ خیز کارروائی چند منٹوں میں ٹھس ،فحش ” کو پارٹی“ پر دو تھانوں کی پولیس کا گرینڈچھاپہ ، تھانہ میں چند منٹ ہلڑ بازی کے بعد سب کچھ پاک صاف قرار دے دیاگیا ، مستی میں جھومتے منڈے کڑیاںگھروں گھری واپس لوٹ گئے، غریب ساﺅنڈ سسٹم والا سفارش نہ ہونے پر باندھ لیا گیا، پولیس تھانہ سٹی رائے ونڈ اور تھانہ سٹی سندر نے اڈا پلاٹ چوکی کے علاقہ میں واقع اہم شخصیت کے فارم ہاﺅس پر رائے ونڈ کے ارد گرد پھیلی یونیورسٹیوں اور کالجز کے100کے لگ بھگ لڑکوں لڑکیوں کو ڈانس پارٹی میں مدہوش حالت میں ایک دوسرے کے ساتھ بانہوں میں بانہیں ڈالتے اونچی ساﺅنڈ سسٹم پر انگلش گانوں ڈسکو ڈانس کرتے رنگے ہاتھوں دھر لیا، پرسنل شیطانی ڈانس پارٹی میں پولیس کی آمد پر بھگدڑ مچ گئی، لڑکے لڑکیاں مدہوشی میں گرتے ایک دوسرے کے اوپر نیچے ہوگئے، تمام تعلیم یافتہ شوخے اور شوخیوں کو پولیس کی گاڑیوں میں بے پردہ ماڈرن حالت میں تھانہ سٹی میں لایا گیا جہاں ان کو پوری عزت کیساتھ مختلف تھانیداروں کے کمروں میں ایک دوسرے سے گپیں ہانکنے کیلئے چھوڑ دیا گیا، صرف ایک دو لڑکیاں روتی رہیں کہ پولیس نے ان کے ساتھ سخت زیادتی کی ہے، وہ اپنے شریف والدین کو کیا منہ دکھائیں گی، وہ اپنی کلاس فیلو کی برتھ ڈے پارٹی پر خوشی میں ہلا گلا کررہیں تھی،ایک لڑکی کے مطابق کہ مختلف پرائیوئٹ تعلیمی کے طلبا وطالبات ہیں، اور ان میں سے کوئی باہر کی کال گرل نہیں، اور نہ ہی وہ قابل اعتراض حالت میں تھے، ایس ایچ او تھانہ سٹی رائے ونڈ حافظ عبدالماجد نے اے ایس پی عبدالوہاب کے علم میں لاتے ہوئے باری باری سب کو آزاد کردیا، پولیس کے مطابق ان کو مخبری ہوئی تھی کہ عرفان فارم ہاﺅس پر پروانے اور تتلیاں روائتی انجوائے کر رہے ہیں، اور اونچی آواز میں ڈیک لگایا گیا ہے، ایک لڑکی کے مطابق لڑکے لڑکیوںکے مابین ایک خوبصورت لڑکی کی وجہ سے ہنگامہ ہوا تو ان میں سے کسی ایک نے نشے میں پولیس کو کال کرنے کی غلطی کرڈالی، جس کے بعد سارا واقعہ پیش آیا، کئی پولیس وینوں میں بیٹھی ماڈرن اور فیشن ایبل میک اپ زدہ لڑکیوں کو روڈ سے گزارتے ہوئے تھانہ لایا گیا تو سینکڑوںمنچلے لہلہاتے پیچھے پیچھے پہنچ گئے، تھانہ کے باہر ایک ہجوم بن گیا، جبکہ تھانہ کے اندر اہم شخصیات کی آمدورفت معاملہ کے کلوز ہونے تک جاری رہی، یادرہے کہ رائے ونڈ کے ارد گرد پھیلے عیاشی کے جدیداڈوں پر پولیس کی ہونے والی یہ کارروائی اور اس کا اختتام کوئی نئی بات نہیں۔
