وزیر اعظم اہم ترین معاملہ پر خواجہ آصف پر برہم

اسلام آباد (مانیٹرنگ ڈیسک) لوڈشیڈنگ کے اعداد وشمار غلط بتانے پر وزیراعظم اور وزیراعلیٰ پنجاب، وزیر پانی و بجلی خواجہ آصف سے برہم ہیں۔ نجی ٹی وی ذرائع کے مطابق لوڈشیڈنگ کے اعدادوشمار غلط بتانے پر وزیراعظم اور وزیراعلیٰ پنجاب میاں محمد شہبازشریف نے وزیر پانی و بجلی خواجہ محمد آصف پر برہمی کا اظہار کیا ہے ذرائع کے مطابق وزیراعلیٰ پنجاب نے اعتراف کیا ہے کہ شہروں میں 6سے 12گھنٹے روزانہ لوڈشیڈنگ کی جارہی ہے۔ جبکہ وزیراعظم میاں نوازشریف نے عدم اطمینان کا اظہار کرتے ہوئے کہا کہ بجلی فراہم کرنے کے پلان پر عملدرآمد نہیں کیا گیا۔ جس پر وزارت پانی و بجلی کے منصوبے پر عملدرآمد نہ کرنے کی وجوہات وزیراعظم نے طلب کرلی ہیں۔ نجی ٹی وی ذرائع کے مطابق 24اپریل کو کابینہ کمیٹی برائے توانائی کا اجلاس وزیراعظم ہاﺅس میں ہوا تھا۔ جس میں وزیراعظم نے لوڈشیڈنگ کے اعدادوشمار بتانے پر ناخوشی کا اظہار کیا تھا۔ اس پر وزیراعظم کے ساتھ ساتھ وزیراعلیٰ پنجاب نے عدم اطمینان کا اظہار کیا تھا۔ اور کہا تھا کہ لاہور میں 10سے12گھنٹے بجلی کی لوڈشیڈنگ کی جارہی ہے ذرائع کے مطابق ستمبر میں ہونے والے اجلاس میں وعدہ کیا تھا کہ لوڈشیڈنگ 4سے 5گھنٹے ہوگی اور اس سے بڑھائی نہیں جائے گی۔