تازہ تر ین

وزیر اعظم پوری ملکی قیادت کیساتھ سرکاری دورے پر بیجنگ پہنچ گئے

اسلام آباد(ویب ڈیسک ) وزیر اعظم نواز شریف وفد کے ہمراہ سرکاری دورے پر چین کے دارالحکومت بیجنگ پہنچے تو چین کے اعلیٰ حکام نے وزیراعظم اور ان کے وفد کا پرتپاک استقبال کیا‘ ہوائی اڈے پر پاکستان میں چین کے سفیر سن وی ڈونگ بھی موجود تھے۔وزیراعظم نواز شریف چینی صدر کی دعوت پر بیجنگ میں عالمی کانفرنس میں شرکت کے لیے وفد کے ہمراہ سرکاری دورے پر چین گئے ہیں۔ چاروں صوبوں کے وزرائے اعلیٰ سمیت وفاقی وزرا اسحاق ڈار، خرم دستگیر، احسن اقبال، سعد رفیق، سرتاج عزیز اور انوشہ رحمان بھی وزیراعظم کے ہمراہ ہیں۔وزیراعظم بیجنگ میں عالمی کانفرنس میں شرکت کے علاوہ سی پیک سے متعلق کئی منصوبوں اور مفاہمتی یاداشتوں پر دستخط کریں گے۔ تفصیلات کے مطابق جمعہ کو وزیر اعظم نواز شریف وفد کے ہمراہ سرکاری دورے پر چین کے دارالحکومت بیجنگ پہنچے تو چین کے اعلیٰ حکام نے وزیراعظم اور ان کے وفد کا پرتپاک استقبال کیا‘ ہوائی اڈے پر پاکستان میں چین کے سفیر سن وی ڈونگ بھی موجود تھے۔وزیراعظم نواز شریف چینی صدر کی دعوت پر بیجنگ میں عالمی کانفرنس میں شرکت کے لیے وفد کے ہمراہ سرکاری دورے پر چین گئے ہیں۔ چاروں صوبوں کے وزرائے اعلیٰ سمیت وفاقی وزرا اسحاق ڈار، خرم دستگیر، احسن اقبال، سعد رفیق، سرتاج عزیز اور انوشہ رحمان بھی وزیراعظم کے ہمراہ ہیں۔وزیراعظم بیجنگ میں عالمی کانفرنس میں شرکت کے علاوہ سی پیک سے متعلق کئی منصوبوں اور مفاہمتی یاداشتوں پر دستخط کریں گے۔ 14 اور 15 مئی کو بیجنگ میں ہونے والے بیلٹ اینڈ روڈ فورم میں 27 ممالک کے سربراہان شریک ہوں گے۔ وزیراعظم نواز شریف فورم کی اختتامی نشست سے خطاب کرنے والے 3 رہنماو¿ں میں شامل ہیں جب کہ فورم کی سائیڈ لائن میں وزیراعظم چین کے صدر اور وزیراعظم سمیت دیگر ممالک کے سربراہان سے بھی ملاقاتیں کریں گے۔ وزیراعظم آج سوا 8 بجے چینی صدر شی جن پنگ سے ملاقات کریں گے جہاں بعد ازاں پاکستانی وفد کو ظہرانہ بھی دیا جائے گا۔وزیراعظم آج ہفتہ کو دوپہر 12 بجے چین کے شعبہ توانائی کے وفود سے ملیں گے اور سہ پہر 3 بجے منگولیا کے وزیراعظم سے بھی ملاقات کریں گے۔ وزیراعظم اتوار کو ساڑھے 9 بجے ایتھوپیا کے وزیراعظم اور دوپہر 12 بجے بیلاروس کے صدرسے بھی ملاقات کریں گے، اتوار ہی کو دوپہر ایک بجے وزیراعظم ویتنام کے صدر سے بھی ملیں گے اور پھر دوپہر 3 بجے چین کی جانب سے ریاستی عشائیے کے لئے روانہ ہو جائیں گے۔وزیراعظم نواز شریف اتوار کو ساڑھے 4 بجے سینٹر فار پرفارمنگ آرٹ جائیں گے اور شام 5 بجے کلچرل شو میں شرکت کریں گے، وزیراعظم پیرکو ینکی جھیل پر عالمی کانفرنس میں شرکت کریں گے اور خطاب بھی کریں گے، وزیراعظم پیرکی شام ہنگ زو پہنچیں گے جب کہ وزیراعظم کے وفد کے بیشتر ارکان پیر کی شام اسلام آباد واپس آ جائیں گے۔ (ن غ)


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved