ڈومینیک(ویب ڈیسک )پاکستان سپر لیگ کے دوسرے ایڈیشن کی فاتح پشاور زلمی کے کپتان ڈیرن سیمی نے بھی ویسٹ انڈیز کے خلاف اپنا آخری ٹیسٹ میچ کھیلنے والے مصباح الحق اوریونس خان کو شاندار الفاظ میں خراج تحسین پیش کردیا۔ اپنے ایک ویڈیو پیغام میں ڈیرن سیمی کا کہنا تھا کہ ” میں ہمیشہ سے ہماری ٹیم کے بیٹنگ مینٹور یونس خان کی عزت کرتا تھا،وہ ایک لیجنڈ کھلاڑی ہیںجو مشکل صورتحا ل میں زیاد ہ عمدہ پرفارم کرتے ہیں اور نوجوان کھلاڑیوں کو اپنا تجربہ منتقل کرنے کے لیے ہر وقت تیار رہتے ہیں ،میں انہیں شاندار کیریئر پر مبارکباد پیش کرتا ہوں۔“ڈیرن سیمی کا مزید کہنا تھا کہ میں کپتان مصباح الحق کو سلیوٹ کرتا ہوں،میں ان کے ساتھ اور ان کے خلاف کھیلا ہو ا ہوں،وہ مشکل صورتحال کے کھلاڑی ہیں اور میں دونوں لیجنڈ کھلاڑیوں کو سلیوٹ کرتا ہوں،پاکستان کرکٹ ان کی کمی بہت زیادہ محسوس کرے گی۔
