لاہور( ویب ڈیسک ) پاکستان سپر لیگ میچ فکسنگ سکینڈل کا اونٹ اب تک کسی کروٹ نہیں بیٹھ سکا۔ خالد لطیف کے وکیل کی طرف سے پی سی بی پر کردار کشی کا الزام لگائے جانے کے بعد ایک آڈیو ٹیپ سامنے آئی ہے جس میں دو افراد کسی یوسف بکی کے بارے میں بات کر رہے ہیں۔ آڈیو میں مبینہ طور پر ناصر جمشید کہتے ہیں کہ یوسف بکی کی فکر مت کریں، اس کے پیچھے گورا ہے، ٹینشن نہ لیں بات کہیں نہیں جائے گی۔ ناصر جمشید نے یہ بھی کہا کہ ہمیں اپنی کمپنی کا نام خراب نہیں کرنا، بندہ اعتبار کا ہے۔ ذرائع کے مطابق، 9 فروری کو خالد لطیف اور شرجیل خان بکی کو ملے۔