اسلام آباد + راولپنڈی (خصوصی رپورٹ)عوامی مسلم لیگ کے سربراہ شیخ رشید نے کہاہے کہ اپنی کرپشن چھپانے کیلئے باپ کاٹرائل کرانے والے اسحاق ڈارکی وجہ سے جیل جائیں گے ،ن لیگ 3حصوں میں تقسیم ہے،نظریہ پاکستان ہمارے سینوں میں ہے ،نظریہ پاکستان کوکوئی خطرہ نہیں، تحریک انصاف میں شامل ہونے کا فیصلہ وقت آنے پرکروں گا۔ جمشیددستی آج پوری دنیاکے سامنے رو دیا، ملتان میں اس جیساکوئی سیاسی کارکن نہیں، دستی کے ساتھ جوہواحکمرانوں کے ساتھ بھی ہوگا، پورے ملک میں کل6 برن یونٹ ہیں ،3کام کررہے ہیں تین بندپڑے ہیں ان کاکہناتھاکہ نوازشریف کاکہناتھاکہ میرے پاس سارے ثبوت ہیں آج تک انہوںنے کوئی ثبوت نہیں دیا۔ میں 2سوکنال زمین خالی کرانے پرالیکشن ہاراتھاعام انتخابات میں اتحادکافیصلہ تحریک انصاف کرے گی۔ مسلم لیگ ن تین گروپوں میں تقسیم ہے، اسحاق ڈار،شہبازاورنثارکے گروپ ہیں ،پنڈی میں سزائے موت یافتہ ممتازقادری ایک سیاسی قوت ہے اور ممتاز قادری کے چاہنے والے ہمیں ووٹ دیں گے۔ ڈان لیکس خبر فروشوں نے نہیں دی اندر سے لیک ہوئی، تین بندوں کو نچوڑا جائے تو سب کچھ اگل دیں گے اور بتا دیں گے کہ تین میں سے دو سیف الرحمان اور شیخ سعید ہیں۔ انہوں نے کہا کہ شہبازشریف میں اتنی جرات نہیں ڈار اور نثار نوازشریف سے باہر ہیں انہوںنے کہاکہ میں اپنی پارٹی کوآگے لے جاسکتاتھامیں نے عمران خان کوموقع دیا،پیپلزپارٹی کے بہت لوگ تحریک انصاف میں آ چکے۔ مسلم لیگ (ن) کے 35 ارکان اسمبلی جلد پارٹی چھوڑ جائیں گے، کوئٹہ میں پولیس سارجنٹ کو کچلنے والے رکن صوبائی اسمبلی مجید اچکزئی کی چھترول ہونی چاہیے۔ جمعرات کو ایک نجی ٹی وی کو دیئے گئے انٹرویو میں شیخ رشید احمد نے کہا کہ مسلم لیگ (ن)کے 35 ارکان اسمبلی جلد پارٹی چھوڑ جائیں گے۔ انہوں نے کہا کہ میں نے شادی نہیں کی اسی لیے کرپشن سے بچا ہوا ہوں کیونکہ بیویوں کا کرپشن میں بڑا ہاتھ ہوتا ہے۔ مجھے کوئی مسئلہ نہیں ہے لیکن ٹیکسٹائل مل(شادی)لگانے کا بھی کوئی شوق نہیں ہے، 1988ءسے 1989 ءمیں نواز شریف صاحب نے کہا تھا کہ ٹیکسٹائل مل لگا لو لیکن میں نے یہ کام نہیں کیا۔انہوں نے کہا کہ شادی کے حوالے سے میری ماں ہر وقت روتی رہتی تھی لیکن میں نے خاندانی ذمہ داریاں نبھائیں ۔ خاندانی ذمہ داریاں نبھانے کیلئے کچھ نہ کچھ قربانی تو دینی ہی پڑتی ہے اور میں نے شادی والی قربانی خوش اسلوبی سے د یدی۔
ن لیگ کے 35 ارکان اسمبلی کس پارٹی میں جا رہے ہیں ، خبر نے کھلبلی مچا دی
