ممبئی(شوبز ڈیسک) بالی وڈاداکارہ سری دیوی پاکستانی اداکارہ سجل علی کی اداکاری کی فین ہو گئیں ۔بھارتی ذرائع ابلاغ کے مطابق سری دیوی کا پاکستانی اداکارہ سجل علی کے بارے میں کہنا ہے کہ سجل علی کمال کی فنکارانہ صلاحتیوں کی حامل ہیں ۔ان کا کہنا ہے کہ فلم ”مام “ میںسجل علی ان کی بیٹی کا کردار ادا کر رہی تھیں اور بہت سے ایسے سین تھے جو کہ بہت جذباتی تھے ۔سجل علی مجھے حقیقی زندگی میں ماں کہہ کے پکارتی ہیں ۔

ممبئی(شوبز ڈیسک) بالی ووڈ کی بے باک حسینہ سنی لیون اب ایک ایسا کام کرنے جا رہی ہیں جو کسی کے وہم و گمان میں بھی نہ تھا۔ سنی لیون نے اداکاری کے بعد اب گلوکاری کے میدان میں قدم رکھنے کی ٹھان لی ہے لیکن فی الحال وہ فلم نگری میں گانا نہیں گائیں گی۔سنی لیون نے ٹوئٹرپراپنی تصویریں پوسٹ کی ہیں جن میں وہ ایک سٹوڈیو میں گانے کی ریہرسل کرتی دکھائی دیتی ہیں۔ اس بارے میں بے باک اداکارہ کا کہنا ہے کہ وہ ایک ماہ سے گانا گانے کی ریہرسل کررہی ہیں اورگانے کے بول کی صحیح ادائیگی کے لیے بڑی محنت کررہی ہیں۔واضح رہے کہ سنی لیون کو سب سے پہلے بالی ووڈ میں سلمان خان کے پروگرام بگ باس میں متعارف کرایا گیا تھا۔

ممبئی(شوبز ڈیسک)بالی وڈ اداکارہ پریانکا چوپڑا نے کہا وہ لوگوں کی تنقید پر کان نہیں دھرتی۔بالی وڈ اداکارہ پریانکا چوپڑا نے اپنی تازہ گفتگو میں کہا ہونٹوں کی سرجری کرانے پر لوگوں نے ان کو بہت تنقید کا نشانہ بنایا لیکن وہ اس کے ردعمل میں چپ رہی ہیں کیونکہ وہ لوگوں کی تنقید پر کان نہیں دھرتی ، یہ ان کی زندگی ہے لوگوں کا ان کے فیصلوں میں کوئی عمل دخل نہیں انہیں جو بہتر لگتا ہے وہی کرتی ہیں۔،اداکارہ کی نئی فلم پدما وتی ہے جس میں ان کے ساتھی اداکار رنویر سنگھ،شاہد کپور اور دیپیکا پڈوکون ہیں،فلم کی عکسبندی جاری ہے اور جلد ہی مکمل کر لی جائے گی۔

ممبئی(شوبز ڈیسک)بالی وڈ اداکار رشی کپور نے کہا ہے کہ وہ اوران کی فیملی تمام مذاہب کا احترام کرتے ہیں ۔بھارتی ذرائع ابلاغ کے مطابق رشی کپور پر یہ الزام لگایا گیا تھا کہ وہ مسلمانوں سے نفرت کرتے ہیں جس کے جواب میں انہوں نے اپنی ٹوئیٹ میں کہا ہے کہ وہ اور ان کی فیملی تمام مذاہب کا احترام کرتے ہیںانہوں نے مسلمانوں سے نفرت کے اس الزام کی تردید کی ہے ۔