لاہور (ویب ڈیسک ) اداکارہ میرا نے کہا ہے کہ اپنی شادی میں عمران خان کے بجائے وزیر اعظم نواز شر یف اور بلاول بھٹو کو بلاﺅں گی جو ضرور آئیں گے۔ سرکاری افسر نہیں بزنس مین سے ہی شادی کروں گی ، شادی میں ریما خان جیسی اداکاراﺅں کو بلانے کا سوال ہی پیدا نہیں ہوتا ،باقی شوبز کے تمام لوگوں کو بلاﺅں گی۔اپنے ایک انٹرویو میں اداکارہ میرا کا کہنا تھا کہ سرکاری افسر شوہر فیملی کو وقت نہیں دے پاتے ، اس لیے میں نے فیصلہ کیا ہے کہ شادی کسی سرکاری افسر سے نہیں بلکہ بزنس مین سے ہی کروں گی۔ ایک سوال کے جواب میں میرا نے کہا کہ ریما مجھ سے دوستی کا دعویٰ کرتی ہیں مگر حقیقت میں وہ ہمیشہ میری راہ میں رکاوٹیں ڈالتی رہی ہیں ، اس لیے انہیں شادی پر بلانے کا سوال ہی پیدا نہیں ہوتا۔دوسری طرف شوبز حلقوں نے فلم سٹار میرا کی جانب سے اگست میں شادی کو ڈرامہ قرار دیتے ہوئے کہا کہ سستی شہرت حاصل کرنے کے لیے میرا نے شادی کا شوشہ چھوڑا ہے۔

ممبئی(ویب ڈیسک )تامل فلموں کے معروف ادکار رجنی کانت کو خاتون نے بھکاری سمجھ کر 10روپے کا نوٹ تھما دیا۔بھارتی میڈیا کے مطابق تامل سینما کے بے تاج بادشاہ سمجھے جانے والے اور بالی ووڈ کے لیجنڈ اداکار رجنی کانت جن کا شمار ایسے اداکاروں کی فہرست میں شمار ہوتا ہے جنہوں نے محنت اورلگن کیساتھ کام کر کے فلم انڈسٹری میں اپنا مقام قائم کیا ہے۔ان کا فلم کی تشہیری مہم کے دوران 2007میں اپنے ساتھ پیش آنے والا دلچسپ واقعہ بیان کرتے ہوئے کہنا تھا کہ میں نے2007 میں فلم ”شیواجی“ کی کامیابی کے بعد مندر جانے کا ارادہ کیالیکن سیکیورٹی کو مدنظر رکھتے ہوئے سیکیورٹی اہلکاروں نے بھیس بدل کر مندر جانے کو کہا۔ میں نے سیکیورٹی اہلکاروں کے کہنے پر اپنا پورا بھیس بدل لیا اور ایک بوڑھے آدمی کا روپ دھار کر مند ر کی سیڑھیاں چڑھ رہا تھا کہ اسی دوران ایک خاتون میری طرف آئی اور مجھے بھکاری سمجھ کر مجھے 10روپے پکڑا کر چلتی بنی۔خاتون کی اس حرکت کو دیکھ کر پہلے تو حیران رہ گیا لیکن میں نے بغیرکوئی بات کئے پیسے اپنی جیب میں رکھ لئے۔ رجنی کانت نے کہا کہ کچھ دیر کے بعدمندر میں ہی پوجا کے دوران اس خاتون نے مجھے پہچان لیا اور مجھ سے معافی بھی مانگی۔

لاس اینجلس(ویب ڈیسک ) ویڈیو اسٹریمنگ ویب سائٹ یوٹیوب سے شہرت حاصل کرنے والی امریکی اداکارہ 33 سالہ اسٹیو ریان نے مبینہ طور پر خودکشی کرلی۔اسٹیو ریان نے امریکی ریاست کیلی فورنیا میں تعلیم حاصل کی، اور وہیں سے ہی اپنے کیریئر کا آغاز کیا۔اسٹیو ریان نے 2006 میں یوٹیوب پر اپنے نام سے چینل بنایا، اور انہیں وہیں سے ہی شہرت ملی۔اسٹیو ریان کے چینل کو اب تک 43 کروڑ سے زیادہ بار دیکھا جاچکا ہے، جب کہ ان کے چینل کے 83 ہزار سے زائد سبسکرائبرز بھی ہیں۔انہوں نے یوٹیوب سے شہرت کے بعد ٹی وی چینلز پر کامیڈی شوز بھی کیے۔اسٹیو ریان کی جانب سے مبینہ خودکشی کا واقعہ ایسے وقت میں پیش آیا جب کہ ایک دن قبل ہی ان کے دادا چل بسے تھے۔لاس اینجلس کاﺅنٹی کارنر آفیس نے اپنی ویب سائٹ میں بتایا کہ 33 سالہ اسٹیو ریان نے خود کو پھانسی کا پھندہ لگا کر خودکشی کرلی۔ضلعی انتظامیہ کی جانب سے واقعے کی مزید تفصیلات فراہم نہیں کی گئی۔کاﺅنٹی آفیس کی ویب سائٹ کے مطابق اسٹیو ریان نے یکم جولائی کو خودکشی کی۔اس سے قبل 30 جون کو اسٹیو ریان نے اپنی ٹوئٹ میں دادا کی تصویر شیئر کرتے ہوئے بتایا تھا کہ ان کے دادا چل بسے۔