لارڈز(ویب ڈیسک)بولی وڈ فلموں میں متعدد بار دیش بھگت بننے والے ایکشن ہیرو اکشے کمار نے بھارت کا قومی پرچم الٹا پکڑنے پر معذرت کرتے ہوئے اپنی تصویر کو سوشل میڈیا اکاو¿نٹ سے ڈیلیٹ کردیا۔بھارتی میڈیا کے مطابق اکشے کمار نے لندن کے لارڈز کرکٹ میدان میں بھارت اور انگلینڈ کی کرکٹ ٹیموں کے درمیان کھیلے گئے ویمنز ورلڈ کپ کے فائنل کے دوران ہندوستانی پرچم کو الٹا پکڑا تھا۔بظاہر اکشے کمار اس بات سے بے خبر تھے کہ انہوں نے پرچم کو الٹا پکڑ رکھا ہے، تاہم جیسے ہی انہوں نے ٹوئٹر پر تصویر پوسٹ کی تو شائقین نے اس کی نشاندہی کی انہوں نے معذرت کرتے ہوئے اپنی پوسٹ ڈیلیٹ کر دی۔

ماسکو (ویب ڈیسک) روسی صدر ولادی میر پیوٹن کی ”یونائیٹڈ رشیا پارٹی“ کی اہم رکن اور روسی پارلیمنٹ کی رکن 30 سالہ گلیمرس سیاستدان آکسانہ بوبورووز سکایا اپنے خاوند کے ساتھ ایک کار میں ازدواجی فرائض کی ادائیگی کے دوران المناک موت کی شکار ہوگئی ہیں۔
جریدے ڈیلی میل کے مطابق سائبیریا کے شہر نووو سیبیرسک میں واقع آکسانہ کی تعمیراتی کمپنی میں ان کے دفتر کے قریب کھڑی گاڑی اچانک ایک بڑے دھماکے سے پھٹ گئی۔ جب سیکیورٹی اہلکار موقع پر پہنچے تو آکسانہ اور ان کے خاوند نکیتا کی لاشوں کو برہنہ حالت میں پایا۔ مقامی میڈیا کے مطابق آکسانہ کا سر خوفناک دھماکے میں اڑچکا تھا اور گاڑی سے صرف اس کا دھڑ ہی برآمد ہوا۔
ابتدائی معلومات کے مطابق میاں بیوی میں حالات سخت کشیدہ تھے اور غالباً آکسانہ کے خاوند نے ہی گاڑی میں بم رکھ کر یا گرینیڈ کا دھماکہ کرکے دونوں کو ہلاک کرلیا۔ پولیس کو یہ بھی بتایا گیا ہے کہ نکیتا کو شک تھا کہ اس کی اہلیہ ایک طاقتور کاروباری شخصیت کے ساتھ ناجائز تعلقات رکھتی ہیں جس کے رنج میں اس نے بم دھماکہ کرکے اہلیہ کے ساتھ خود کو بھی ہلاک کرلیا۔
گلیمر اور خوبصورتی کی وجہ سے روس میں خصوصی شہرت رکھنے والی آکسانہ کی موت نے روسی شہریوں کو ہلا کر رکھ دیا ہے۔ پولیس کا کہنا ہے کہ رکن پارلیمنٹ کی المناک موت کے بارے میں ملنے والی مختلف رپورٹوں پر تحقیقات کی جارہی ہیں تاکہ ان کی موت کی اصل وجہ سے پردہ اٹھایا جاسکے