بلاتکاری بابا رام رحیم سنگھ کی منہ بولی بیٹی کس کے پاس ، خوفناک منصوبہ بارے تہلکہ خیز انکشاف

نئی دہلی (ویب ڈیسک) بھارت میں سکھوں کی روحانی درگاہ ”سچا سودا “ کے سربراہ گرو رام رحیم سنگھ کودو خواتین سے ر یپ کے جرم میں 20سال قید کی سزا کے سنائی گئی تو ہر روز اس کے کالے کرتوتوں کی ایک نئی کہانی سامنے آ رہی ہے۔
جیل میں موجود گرو رام رحیم کے بعد اب اس کی مونہہ بولی بیٹی اور مبینہ محبوبہ پریانکا تنیجا عرف ہنی پریت بھی روپوش ملزم بن گئی ہے اور انکشاف ہوا ہے کہ جس روز گرو رام رحیم کو سزا سنائی گئی، ہنی پریت نے اس روز گرو رام رحیم کے جیل سے فرار کا منصوبہ بنایا تھا تاہم وہ اس میں کامیاب نہ ہو سکی۔
بھارتی میڈیا کے مطابق ہریانہ کی حکومت نے ہنی پریت کی تلاش کا الرٹ جاری کر دیا ہے اور ذرائع کا کہنا ہے کہ عدالت سے فرار کا منصوبہ ناکام ہونے کے بعد اس نے گرو رام رحیم کو جیل سے فرار کرانے کا منصوبہ بنایا اور جیل سے سفید رنگ کی انووا گاڑی میں گئی اور اب تک اس کا کوئی سراغ نہیں مل سکا۔
جب رام رحیم اور ہنی پریت کے درمیان ناجائز تعلقات کی باتیں زبان زدعام ہوئیں تو یہ انکشاف بھی ہوا کہ یہ دونوں ایک دوسرے کو سکول کے دنوں سے جانتے ہیں۔ فتح آباد میں ہنی پریت کے پڑوس میں رہنے والے ایک شخص کے مطابق رام رحیم ہنی پریت کی منگنی کی تقریب میں شرکت کیلئے ایک بی ایم ڈبلیو میں آیا تھا۔ اور منگنی کے بعد وہ ہنی پریت کو اپنے ساتھ ڈیرے پر لے گیا جس کے بعد اس کی شادی وشواس گپتا سے ہوئی۔
یہاں یہ امر قابل ذکر ہے کہ گرو رام سنگھ کے داماد وشواس گپتا نے اپنے سسر پر انتہائی شرمناک اور گھناﺅنا الزام عائد کرتے ہوئے کہا تھا کہ بابا رام کے اپنی مونہہ بولی بیٹی اور میری بیوی پریانکا تینجا عرف ہنی پریت سے ناجائز تعلقات تھے ،جبکہ وہ جیل میں بھی اپنے ساتھ اپنی اسی مونہہ بولی بیٹی اور میری بیوی کو اپنے ساتھ رکھنا چاہتا تھا جبکہ پولیس کے انکار پر اس نے اعلیٰ جیل افسران کو سنگین نتائج کی دھمکیاں بھی دیں تھیں۔
اس کا کہنا تھا کہ گرو رام کے اپنی مونہہ بولی بیٹی پریانکا عرف ہنی پریت کے ساتھ ناجائز تعلقات تھے اور ایک مرتبہ میں نے ان دونوں ”باپ بیٹی “ کو انتہائی شرمناک حالت میں بابا گرو رام کے ذاتی بیڈ روم میں رنگے ہاتھوں بھی پکڑا تھا لیکن بابا رام نے اس بات کے بارے میں کسی کے ساتھ ذکر کرنے پر مجھے جان سے مارنے کی دھمکیاں دیتے ہوئے کہا تھا کہ اگر میں نے اس بات کا کسی سے بھی ذکر کیا تو وہ دوسرے ہی لمحے مجھے مروا دے گا۔
وشواس گپتا کا کہنا تھا کہ بابا گرو رام کے میری بیوی کے ساتھ میری شادی سے پہلے ہی” ناجائز تعلقات“ تھے اور انہی ناجائز تعلقات کو چھپانے کے لئے اس نے ہنی پریت کو سب کے سامنے اپنی مونہہ بولی بیٹی قرار دیا تھا تاکہ لوگوں کی آنکھوں میں دھول جھونک سکے۔وشواس گپتا کا کہنا تھا کہ 1999ئ میں میری پریانکا عرف ہنی پریت سے باباگرو رام کی موجودگی میں شادی ہوئی۔ایک بار میں بابا گرو رام کے گھر رکا ہوا تھا ،میری بیوی ان کے ساتھ تھی ، غلطی سے میں نے ان کے کمرے کا دروازہ کھولا تو وہ دونوں بستر پر انتہائی قابل اعتراض حالت میں تھے ،مجھے دیکھ کر وہ دونوں چونک گئے جبکہ بابا رام نے اس” حالت “کے بارے میں کسی کے ساتھ ذکر پر مجھے قتل کی دھمکیاں بھی دیں جبکہ میں پہلے ہی ڈرا سہما ہوا تھا جس پر خاموشی اختیار کر لی