نیب شریف خاندان کو بچانے میں مصروف, لیکن کیوں؟دیکھئے خبر

اسلام آباد (مانیٹرنگ ڈیسک، آن لائن) نیب کی شریف خاندان کو بچانے کی کوشش، عدالت عظمیٰ کی ہدایت کے باوجود مکمل ریفرنس دائر نہ ہو سکا۔ نجی ٹی وی کے مطابق احتساب کا وفاقی ادارہ نیب کرپشن کے خلاف کارروائی کی بجائے اس وقت نواز شریف اور شریف خاندان کو بچانے کیلئے سرگرم ہے۔ عدالت کی ہدایت کے باوجود اب تک مکمل ریفرنس دائر نہ ہو سکا۔ جے آئی ٹی کی رپورٹ پر ہی انحصار کیا گیا۔ مریم نواز کو بھی ایک ریفرنس میں ملزم نامزد کیا گیا ہے۔ قومی احتساب بیورو(نیب ) کی طرف سے احتساب عدالت میں شریف خاندان اور وزیر خزانہ اسحاق ڈار کے خلاف دائر کرائے گئے چاروں ریفرنسز عبوری نکلے ہیں جبکہ چیئرمین نیب اپنے عہدے کی مدت ختم ہونے کے بعد ہی ان ریفرنسز پر عدالت کے فیصلے کے خواہاں ہیں۔ ذرائع نے بتایا کہ نیب سپریم کورٹ کی ہدایت کے باوجود شریف خاندان کیخلاف مکمل ریفرنس دائر کرنے میں ناکام رہا ہے اور یہ بات ان ریفرنسز کی کاپی سے بھی ثابت ہوتی ہے جس مین واضح طور پر کہا گیا ہے کہ یہ ریفرنسز عبوری ہیں اور نیب کو مزید شواہد کا انتظار ہے ذرائع کا کہنا ہے کہ نیب کا نواز شریف کیخلاف دائر تین ریفرنسز میں تمام انحصار جے آئی ٹی ٹی رپورٹ پر ہی ہے نیب کی شریف خاندان کو سزا دینے کی بجائے معاملات کو لٹکا دینے کی کوشش ہے چیئرمین نیب نے نواز شریف کیخلاف تینوں عبوری ریفرنسز دائر کئے جبکہ اسحاق ڈار کے خلاف بھی بعض ممالک سے ریکارڈ مانگا گیا ہے نیب کی ایون فیلڈ پراپرٹی ، فلیگ شپ انویسٹمنٹ ، آف شور کمپنیوں عزیزیہ سٹیل ملز ، ہیل میٹل کیس کو خراب کرنے کی کوشش بھی سامنے ائی ہے : نواز شریف کی صاحبزادی مریم نواز کو صرف ایک ریفرنس میں ملز م بنایا گیا ہے عبوری ریفرنس میں کہا گیا ہے کہ شریف خاندان لندن ایون فیلڈ کیس میں فنڈز کے ذرائع بتانے میں ناکام رہے، نامزد ملزمان کو کئی بار صفائی دینے کا موقع فراہم کیا گیا لیکن وہ نہ آئے، مختلف ممالک سے باہمی قانونی مدد مانگی گئی ہے نواز شریف ،مریم نواز، حسن نواز، حسین نواز، کیپٹن ر صفدر کیخلاف دائر ریفرنس عبوری تصور کئے جائیں اور نامزد ملزمان کیخلاف ٹھوس شواہد ملے تو سپلیمنٹری ریفرنس دائر کرینگے۔