اسلام آباد (مانیٹرنگ ڈیسک) لندن میں ندیم نصرت نے نوازشریف سے ملاقات کی، نوازشریف اب متحدہ لندن سے کھل کر مل رہے ہیں، چودھری نثار نے جس بڑے خطرے کی بات کی وہ سچ ہے، کسی بڑے حادثے کی آڑ میں پاکستان کے ایٹمی ہتھیاروں کی بات کی جائے گی یہ انکشافات سینئر تجزیہ کار نے نجی ٹی وی پروگرام میں گفتگو کرتے ہوئے کئے انہوں نے کہا کہ کوئی بڑا حادثہ پاکستان کے اندر بھی کرایا جا سکتا ہے اور باہر کے کسی ملک میں بھی کرایا جا سکتا ہے اس حادثے کے ڈانڈے پاکستان سے ملائے جائیں گے اور عدم استحکام کا الزام لگا کر ایٹمی ہتھیاروں کو زیر بحث لایا جائے گا۔ ندیم نصرت نے الطاف حسین کی جانب سے نوازشریف کو شکریے کا پیغام بھجوایا۔ الطاف حسین کو بھاری رقم بھجوائی گئی ہے جو کھالوں سے جمع رقم سے کہیں زیادہ ہے۔ آصف زرداری نے متحدہ لندن کو پیسے بھجوائے ہیں۔ ڈاکٹر عاصم حسین بھی متحدہ بانی و دیگر رہنماﺅں سے ملاقاتیں کریں گے۔ سینئر تجزیہ کار نے کہا کہ ریفرنس دائر ہونے کے بعد اب نوازشریف خاندان اور اسحاق ڈار خاندان اپنی جائیداد فروخت یا کسی اور کے نام نہیں کر سکتے۔ نیب نے دونوں خاندانوں کے اکاﺅنٹس نمبر بھی ساتھ لگائے ہیں۔ شریف اور ڈار خاندان نے اب اکاﺅنٹس سے پیسہ نکلوانا ہوا تو نیب سے اجازت لینا ہو گی ایک طرح سے اکاﺅنٹس منجمد ہو گئے ہیں۔ وزیراعظم شاہد خاقان ایف سولہ چلاتے اچھے لگے تاہم ایئرفورس دھیان کرے کہ ایف سولہ کا رنگ بدل کر ایئربلیو لائن میں شامل نہ کر لیا جائے۔
