ختم نبوت کا نفرنس کا پنڈا ل تیا ر ،جید علماءکا خطاب ،اہم فیصلے متوقع

لاہور(خصوصی رپورٹ) جمعرات و جمعہ کوعالمی مجلس تحفظ ختم نبوت کے زیراہتمام 36 ویں سالانہ دو روزہ ختم نبوت کانفرنس صوبہ پنجاب کے تاریخی شہر چناب نگر کی مسلم کالونی میں واقع عظیم الشان ادارے کے وسیع و عریض میدان میں منعقد ہو رہی ہے۔ جس میں ملک بھر سے شیوخ، اکابرین امت اور حضرات علماءکرام تشریف لائیں گے۔ کانفرنس کے اہم موضوعات میں عقیدہ ختم نبوت کا تحفظ قادیانیوں کے ارتدادی سرگرمیوں سے مسلمانوں اور پاکستان کے خلاف مذموم پروپیگنڈے کے سدباب ک ےلیے تجاویز قادیانیوں کی جانب سے خاتم النبین کی غلط تشریح کا جواب عقیدہ حیات و نزول مسیح علیہ السلام، حضرت امام مہدی علیہ الرضوان کی تشریف آوری ، جھوٹے مدعیان مبدویت کے بارے میں امت مسلمہ کو حقائق سے آگاہ کرنا مسلمانوں کو سیرت طیبہ پر عمل کرنے کی تلقین کرنا شمل ہیں۔ اس کانفرنس کی تاریخی اہمیت کا جائزہ لیتے ہیں، عام طور پر ہم جب جھوٹے مدعیان نبوت کی تاریخ کا مطالعہ کرتے ہیں تو ان کی تاریخ ہمیں یہ بتاتی ہے کہ یہ ایسے وقت میں سر اٹھاتے ہیں جب مسلمانوں میں اضطراب ہو اور وہ مصیبت میں مبتلا ہوں۔ اس اضطراب کو انتشار میں بدل کر یہ مسلمانوں کو تکلیف پہنچانے کے ساتھ ساتھ سادہ لوح مسلمانوں کو گمراہ کرنے کی کوشش کرتے ہیں۔ اس تناظر میں جب ہم گزشتہ صدی کے جھوٹے مدعی نبوت مرزا غلام احمد قادیانی کی سرگرمیوں کا مطالعہ کرتے ہیں تو وہاں بھی یہی صورت نظر آتی ہے کہ مسلمان برصغیر میں اپنی طویل غلامی کے خلاف جدوجہد میں مصروف ہیں، ہزاروں علمائے کرام تختہ دار پر اس طرح لٹکائے گئے کہ خود برطانوی سامراج کے باضمیردانشور اس ظلم پر چلا اٹھے، مگر ان مظالم میں کمی نہ آئی ۔ ایسے وقت میں علماءکرام اور اکابرین امت حضرت حاجی امداد اللہ مہاجر مکی، حضرت مولانا محمد قاسم نانوتویؒ، حضرت مولانا رشید احمد گنگوہی، حضرت حافظ ضامن شہیدؒ نے جہاد کا اعلان کرکے شاملی کے میدان میں مجاہدین کو اتارا۔ جس میں ابتدائی طور پر ظاہری شکست ہوئی، مگر تحریک آزادی کی روح مسلمانوں کے دلوں میں پھوٹ اٹھی۔ اس تحریک کو کچلنے کے لیے عسکری قوت کے ساتھ حکومت وقت نے پادریوں کے غول کے غول برصغیر میں بھیج دیئے جسے علمائے حق نے ناکام بنا دیا۔