گلگت (سٹاف رپورٹر) وزیراعظم شاہد خاقان عباسیکا کہنا ہے کہ مسلم لیگ(ن) کے دور حکومت میں جس کام کا اعلان ہوتا ہے، اسے شروع بھی کیا جاتا ہے، فنڈنگ بھی ہوتی ہے اور مکمل بھی کیا جاتا ہے۔ واحد ہماری حکومت ہے جو ترقیاتی منصوبے شروع کر کے مکمل بھی کرتی ہے، سیاست میں مستقل مزاجی ہونی چاہیے ، کس جماعت نے حکومت کرنی ہے ، اس کا فیصلہ عوام کرتے ہیں، نواز شریف نے کسی بھی غیر جمہوری عمل کا حصہ نہ بننے کا فیصلہ کیا اور یہی عوامی امنگوں کی حقیقی ترجمانی ہے۔کون شخص روزانہ جاتی عمرہ ڈھیروں پھل بھیجتا ہے ؟پنجاب اسمبلی میں انتہائی حیران کن انکشاف سامنے آگیاسکردو میں بلتستان یونیورسٹی کی افتتاحی تقریب سے خطاب کرتے ہوئے وزیراعظم شاہد خاقان عباسی نے کہا کہوزیراعظم نے کہا کہ پچھلی حکومتوں نے منصوبے شروع کئے لیکن فنڈنگ نہیں کی،6حکومتوں نے اعلان کے باوجود دیامر بھاشا ڈیم اور داسو ڈیم کاکام نہیں کیا۔ن لیگ کے پاس گلگت بلتستان میں دوتہائی اکثریت ہے، ن لیگ کی حکومت آپ کے مسائل حل کررہی ہے، ناقدین بھی یہ محسوس کرتے ہیں کہ ہماری حکومت کام کرتی ہے، اسکردو میں کیڈٹ کالج بھی مسلم لیگ ن نے بنایا اور یونیورسٹی کا سہرا بھی ہمارے سر ہے۔ گلگت جگلوٹ شاہراہ کا سنگ بنیاد نواز شریف نے 2 سال قبل رکھا اور اس شاہراہ کی تعمیر مشکل ترین منصوبوں میں شامل تھی جسے دسمبر میں مکمل کرلیا جائے گا۔ گلگت بلتستان میں ٹمبرکامسئلہ ہے،ہم نے اس معاملے میں بہت سی غلطیاں کی ہیں ، اب ٹمبر کا مسئلہ حل ہو چکا ہے کیوں کہ ہم نے اس خطے کے سارے درخت ہی کاٹ دئیے ہیں ، یہ کوئی حل نہیں ، درخت علاقے کی خوبصورتی اور معیشت کا ذریعہ ہوتے ہیں۔ وزیر اعظم کا مزید کہنا تھا کہ ہماری حکومت نے گلگت بلتستان کو ریکارڈ ترقیاتی فنڈزدئیے ہیں، سی پیک اس خطے کی تقدیر بدل کر رکھ دے گا، اس منصوبے کے تحت کو سکردو صدیوں تک مستفید ہوتا رہے گا۔ سی پیک سے انڈسٹریل زونز بنیں گے جبکہ لوگوں کو روزگار میسر آئے گا۔ وزیراعظم شاہد خاقان عباسی نے کہا ہے کہ مسلم لیگ (ن) کی حکومت محض نعروں یا دعوﺅں پر نہیں عملی اقدامات پر یقین رکھتی ہے، ہم نہ صرف منصوبے شروع کرتے بلکہ انہیں پایہ تکمیل تک پہنچاتے ہیں، ، گلگت بلتستان کی ترقی کیلئے پرعزم ہیں مقصد کے حصول کیلئے کوئی کسر اٹھا نہ رکھیں گے، جمہوریت کے تسلسل ،حکومتوں کی مدت پوری ہونے سے ہی عوامی مسائل حل ہونگے،گلگت کیلئے گیس کی فراہمی کا کام شروع ہو چکا،ہنزہ اور سکردو میں گیس کی فراہمی میں کچھ پیچیدگیاں ہیں تاہم ان علاقوں کو بھی گیس کی فراہمی کا عمل جلد شروع ہو گا،سی پیک سے علاقہ میں ترقی کے نئے دور کا آغاز ،روزگار کے مواقع پیدا ہونگے۔وزیراعظم نے ان خیالات کا اظہار بدھ کو بلتستان یونیورسٹی کے افتتاح اور گلگت۔سکردو روڈ پر کام کی پیشرفت کے حوالہ سے بریفنگ کے موقع پر ایک اجتماع سے خطاب کرتے ہوئے کیا۔ وزیراعظم نے کہا ہے کہ گلگت بلتستان کی خوبصورتی پوری دنیا میں مانی جاتی ہے، انہوں نے کہا کہ میں 1970ءکے عشرے سے یہاں آ رہا ہوںاور مجھے یہاں آ کر ہمیشہ خوشی ہوئی ہے میں یہاں کے عوام کی محبت سے بہت متاثر ہوں، انہوں نے کہا کہ یہ علاقہ جتنا خوبصورت ہے یہاں کے عوام اس سے بھی زیادہ خوبصورت ہیں۔ وزیراعظم نے کہا کہ 1994ءمیں مسلم لیگ (ن) کو گلگت بلتستان قانون ساز اسمبلی سے کوئی نشست نہیں ملی تھی اور آج اﷲ کے فضل و کرم سے یہاں پاکستان مسلم لیگ (ن) کی دوتہائی اکثریت ہے۔ انہوں نے کہا کہ جمہوریت چلتی رہی، اور حکومتیں اپنی مدت پوری کرتی رہیں تو عوامی مسائل حل ہونگے ۔انہوں نے کہا کہ سابق وزیراعظم محمد نواز شریف نے 2 سال قبل سکردو۔جگلوٹ۔گلگت روڈ کا سنگ بنیاد رکھا تھا اس سڑک کا شمار مشکل ترین سڑکوں میں ہوتا ہے، انہوں نے کہا کہ امید ہے کہ یہ دسمبر 2019ءسے پہلے مکمل ہو جائےگی۔ وزیراعظم نے کہا کہ حکومتوں کا فرض ہے کہ وہ ملک کی ترقی اور عوام کے مسائل کے حل کیلئے کام کریں اور انہیں بنیادی سہولیات پہنچائیں، ہماری حکومت دعوے یا اعلانات نہیں کرتی بلکہ ہم عملی اقدامات پر یقین رکھتے ہیں، انہوں نے کہا کہ ہم جو منصوبے شروع کرتے ہیں انہیں پایہ تکمیل تک بھی پہنچاتے ہیں۔ انہوں نے کہا کہ بہت سی حکومتوں نے وعدے اور اعلانات کئے لیکن ان کیلئے فنڈز فراہم نہیں کئے ہم جس منصوبے کا اعلان کرتے ہیں اس کیلئے فنڈز بھی فراہم کرتے ہیں۔
