ملتان : مغویہ واپس کرنے کے دباوپر ملزم اپنے والدین کا دشمن بن گیا

ملتان (ہیلپ لائن) چک نمبر3ایم آر مخدوم رشید گلزار کے والد شوکت علی والدہ بلقیس بیگم بھائی محمد عامر نے خبریں دفتر آکر بتایا کہ گلزار نے راجن پور کوٹ مٹھن سے مسماة ثوبیہ بی بی کو اغواءکیا ہے جس کی مقدمہ نمبر299/17تھانہ کوٹ مٹھن راجن پور میں مورخہ 17/07/2017 کو درج ہوئی ہے۔ جس وقت پولیس نے ہمارے گھروں کا ریڈ کیا جبکہ ہم نے گلزار حسین کو اس کی غلط عادات کی وجہ سے عاق کردیا تھا پولیس کے چھاپہ اور تنگ کرنے پر برادری اور احباب کے ذریعے گلزار پر دباﺅ ڈالا کہ ہم شریف لوگ ہیں لڑکی کو واپس کردو جبکہ گلزار پہلے سے شادی شدہ اور 3بچیوں اور بچے کا باپ ہے۔ والدین و رشتہ داروں کے دباﺅ ڈالنے پر گلزار نے والدین اور وکیل کے بھی خلاف ہوگیا۔ اور ان کے خلاف میڈیا کے ذریعے بے بنیاد جھوٹا غلط پروپیگنڈہ کررہا ہے۔ لڑکی اور رقم کا لے جانے سے متعلق غلط بیان بازی کرکے والدین کو بدنام کررہا ہے۔ جبکہ لڑکی مسماة ثوبیہ بی بی اس کے پاس ہے اور وہ واپس کرنے سے انکاری ہے۔ اس موقع پر گلزار کے والدین کے وکیل جاوید اسلم چٹھہ ایڈووکیٹ نے بتایا کہ گلزار کے والدین شوکت علی جوکہ شریف لوگ ہیں۔ میں نے قانون کے مطابق گلزار کے والدین کی مدد کی اسی بناءپر میرے خلاف بھی بے بنیاد پروپیگنڈہ کررہا ہے۔ اور گلزار اپنے والدین و بھائیوں کو بھی جان سے مارنے کی دھمکیاں دے رہا ہے لہذا اس سلسلہ میں پولیس حکام سے درخواست ہے کہ مناسب کارروائی کریں اور غریب والدین کو تحفظ فراہم کیا جائے۔