ماہرہ خان اپنی فلم ورنہ دیکھنے سینما گھر پہنچ گئیں

کراچی: (ویب ڈیسک) اداکارہ ماہرہ خان بھی اپنی فلم ورنہ دیکھنے سینما گھر پہنچ گئیں، کہتی ہیں کہ یہ فلم تبدیلی کی شروعات ثابت ہو سکتی ہے، دوستوں کے ہمراہ فلم دیکھنے آنے والی ماہرہ خان ریڈ جینز اور ٹی شرٹ میں ملبوس تھیں۔ فینز نے اداکارہ کو دیکھا تو سیلفیوں کے لیے گھیر لیا۔ ماہرہ خان نے فلم بینوں سے فلم ورنہ کے بارے میں تاثرات بھی معلوم کیے اور فلم کو سپورٹ کرنے پر شکریہ ادا بھی کیا۔ ماہرہ خان کا کہنا تھا کہ فلم ورنہ معاشرے میں ان خواتین کے لیے ایک زبردست پیغام ہے جو ظلم کے خلاف آواز اٹھانے سے ڈرتی ہیں۔